តារាស្រីហុងកុង ប្រើកាបូបដាក់ឆ្កែចិញ្ចឹម សុទ្ធតែ Birkin

តារាស្រីហុងកុង Rain Li បានបង្ហោះរូបជាមួយឆ្កែចិញ្ចឹមរបស់នាងឈ្មោះ Creamy ដាក់នៅក្នុងកាបូប Birkin ធ្វើឲ្យមហាជនស្រឡាំងកាំង ។

កាបូប Birkin ជាកាបូបម៉ាក Hermès ដែលមានតម្លៃថ្លៃរាប់ម៉ឺនដុល្លារ ហើយមិនមែនគ្រប់គ្នាអាចកាន់លុយទៅទិញវាបានទេ ។

សម្រាប់កាបូប Birkin នីមួយៗត្រូវចំណាយប្រាក់ និងរយៈពេលរាប់ឆ្នាំទើបហាងលក់ឲ្យ។​ ចំពោះកាបូបដែលតារាស្រីវ័យ ៣៩ ឆ្នាំខាងលើប្រើដាក់ឆ្កែ មានតម្លៃដល់ទៅ ៧០ ០០០ ដុល្លារឯណោះ ។ វាជា Birkin Shadow ដែលបានចេញតាំងពីឆ្នាំ ២០០៩ ដោយលោក Jean-Paul Gaultier ។

យ៉ាងណាមិញ នេះមិនមែនជាកាបូប Hermès តែមួយរបស់ Rain Li ទេ ។ នាងមានកាបូប Hermès ជាច្រើនទៀតដូចជា black Hermès Birkin, Hermès Kelly Pochette, Hermès Kelly Danse និង Hermès Quelle Idole bag ដែលសរុបជាទឹកប្រាក់រាប់លានដុល្លារ ។

គ្មានអ្វីគួរឲ្យចម្លែកចិត្តទេ ព្រោះ Li ជាសេដ្ឋីមានទ្រព្យសម្បត្តិជាង ២៥ លានដុល្លារ ដែលបានមកពីការវិនិយោគអចលនទ្រព្យ ៕

ប្រែសម្រួល៖ វារី
ប្រភព៖ 8days

ចុចអាន៖ តារាស្រីតំណាងឲ្យកាបូប Birkin ទទួលមរណភាពនៅវ័យ ៧៦ ឆ្នាំ