តារាចម្រៀងពីររូប កំពុងមានស្នេហាត្រីកោណជាមួយតារាសិចជប៉ុន

តារាចម្រៀង​ពីរ​រូប ​ត្រូវ​បាន​គេ​រាយការណ៍​ថា​ កំពុង​មាន​ស្នេហា​ត្រីកោណ​ជាមួយ​តារា​សិច​ជប៉ុន​ដ៏​ល្បី​ម្នាក់ ក្រោយបណ្ដាញផ្សព្វផ្សាយ Shūkan Bunshun ប្រទះឃើញតារាប្រុសទាំងពីរបានចូលផ្ទះរបស់តារាស្រី នៅថ្ងៃតែមួយ គ្រាន់តែក្នុងម៉ោងផ្សេងៗគ្នាប៉ុណ្ណោះ។

កាលពីថ្ងៃទី៦ ខែកញ្ញា ឆ្នាំ២០២៣ ទស្សនាវដ្តីសារព័ត៌មានជប៉ុន Shūkan Bunshun បានរាយការណ៍ថា សមាជិកក្រុម Kis-My-Ft2 លោក Kento Senga និងលោក Naniwa Danshi សមាជិកក្រុម Kento Nagao បានណាត់ជួបតារាសិច Yua Mikami ក្នុងពេលតែមួយ។

ដោយឡែករបាយការណ៍របស់សារព័ត៌មាន XportsNews បានឱ្យដឹងថា នេះមិនមែនជាលើកទីមួយទេដែលតារាប្រុសទាំងពីរណាត់ជួបជាមួយតារាសិច ប៉ុន្តែអ្វីដែលអ្នកគាំទ្រកាន់តែមានការខកចិត្តចំពោះអ្នកទាំងពីរ ដោយសារបច្ចុប្បន្នពួកគេជាប់ពាក់ព័ន្ធនឹងរឿងក្ដីបោកប្រាស់។

ទន្ទឹមនឹងនេះដែរ XsportsNews បានរាយការណ៍ថា តារាសិច Yua Mikami ជាអតីតតារាចម្រៀងដែលធ្លាប់បង្ហាញខ្លួនក្នុងឆ្នាំ២០០៩ ជាមួយក្រុមនារី SKE48 ។ Yua Mikami បានចាកចេញពីក្រុម នៅក្នុងឆ្នាំ២០១៤ បន្ទាប់ពីមានរឿងអាស្រូវស្នេហាជាច្រើន ហើយបានបង្ហាញខ្លួនជាតួស្រីសិចក្នុងឆ្នាំ២០១៥ ។ យោងតាម XsportsNews តារាស្រីរូបនេះ ទើបចូលនិវត្តន៍ពីឧស្សាហកម្មសិច កាលពីខែមុន៕

ប្រែសម្រួល៖ សន្យា

ចុចអាន៖ តួ កុំកុំ ត្រូវមហាជនរិះគន់ពេញបណ្ដាញសង្គម ក្រោយជួលសន្តិសុខហែហមច្រើនពេក

ចុចអាន៖ Baifern ប្រែកាយជានារីជប៉ុន ទស្សនិកជនចំណាំសឹងមិនបាន