Rose បញ្ចេញឈុតដ៏គួរឲ្យភ្ញាក់ផ្អើល តែហ្វេនចាប់អារម្មណ៍ខ្សែដៃដាំពេជ្រ

Rosé សមាជិកក្រុម BLACKPINK បានទាក់ទាញចំណាប់អារម្មណ៍ជុំវិញពិភពលោក ក្រោយបញ្ចេញឈុតដ៏គួរឲ្យភ្ញាក់ផ្អើល​ជាមួយនឹងខ្សែខ្សែដៃដាំពេជ្រក្នុងព្រឹត្តិការណ៍មួយ បន្ទាប់ពីតែងតាំងជាទូតសុឆន្ទៈម៉ាក Sulwhasoo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកក្រុម BLACKPINK រូបនេះ​បាន​បង្ហោះរូបថត និងវីដេអូជាច្រើននៅលើ Instagram ផ្ទាល់ខ្លួនរបស់​នាង​កាលពីថ្ងៃទី ០៥ ខែកញ្ញា។ តាមរយៈរូប​ថត​ទាំង​នោះ​បាន​បង្ហាញ​ថា Rosé ចូល​រួម​ក្នុង​កម្មវិធី Sulwhasoo X Amore Pacific Museum of Art & Heritage Night ដែល​ប្រារព្ធ​ធ្វើ​នៅ​សារមន្ទីរ Amore Pacific Museum of Art ក្នុង​ទីក្រុង Yongsan-gu ទីក្រុង​សេអ៊ូល។

នៅ​ពេល​នោះ Rosé បាន​ស្លៀកឈុតពណ៌សសំយេះ​ស្មា ជាមួយនឹងម៉ូដសក់​ចំហៀង​របស់នាងចុះក្រោម​បែបធម្មជាតិ បានបង្កើតបរិយាកាសកាន់តែទាក់ទាញពីសំណាក់អ្នកដែលចូលរួមក្នុងកម្មវិធីលំដាប់ពិភពលោកមួយនេះ។

លើសពីនេះទៀតដែរ រ៉ូបដែល Rosé ស្លៀកនៅថ្ងៃនោះគឺជារ៉ូប Camelia ពីប្រេន Giambattista Valli’s Love Collection ខណៈនាងបានបន្ថែមភាពអស្ចារ្យដោយដាក់​គ្រឿងអលង្ការ​ពេជ្រ​របស់ Tiffany & Co. ដែលនាង​ជា​ទូត​សុឆន្ទៈ​ពិភពលោកដូចគ្នា។ ជាពិសេស ខ្សែដៃដាំពេជ្រ ៤.៩៩ ការ៉ាត់ មានតម្លៃ ៥៤.៩ លានវ៉ុន (៤១១៥៦ដុល្លារ) ដែលទាក់ទាញការចាប់អារម្មណ៍ពីមនុស្សគ្រប់គ្នាសឹងមួយពិភពលោក៕

ប្រែសម្រួល៖ សាង ស្រីល័ក្ខ

ចុចអាន៖Song Hye Kyo បង្ហាញសម្រស់នៅសិង្ហបុរី ត្រូវគេប្រដូចនឹងតុក្កតា Barbie