ជីវិតកម្សាន្ដ

អ្នកគ្រប់គ្រងចេញមុខឆ្លើយតប ក្រោយធ្លាយរូប Mario ត្រូវប៉ូលិសចាប់ខ្លួន

បានផុស

៣ years មុន

នៅ

ថ្ងៃអាទិត្យ ១០ កញ្ញា ២០២៣

ដោយ

វាបានក្លាយជាប្រធានបទក្តៅ បន្ទាប់ពីរូបថតមួយសន្លឹកត្រូវបានចែករំលែកលើបណ្ដាញអ៉ិនធើណេតពីតារាសម្ដែងប្រុស Mario Maurer ឈរកៀកជាមួយមន្ត្រីប៉ូលិសនៅចំហៀង ហើយភ្ជាប់ជាមួយសំណេរថាលោកត្រូវចាប់ខ្លួនហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបភាពមួយសន្លឹកនោះ វាស្រដៀងនឹងរូបថតព័ត៌មានដែលបញ្ជាក់ថា ”‘រឿងអាស្រូវដែលធ្វើឲ្យផ្អើលពេញប្រទេសថៃ Mario Maurer តារាថៃ ត្រូវបានចាប់ខ្លួននៅចំពោះមុខហ្វូងមនុស្ស”។ ដោយឫសគល់នៃបញ្ហា គឺមកពី Mario បាននិយាយនៅក្នុងកម្មវិធីទូរទស្សន៍មួយ។

យ៉ាងណាមិញកាលពីពេលថ្មីៗនេះ អ្នកគ្រប់គ្រងផ្ទាល់ខ្លួនរបស់ Mario ចេញមកបញ្ជាក់រឿងនេះកុំឲ្យអ្នកគាំទ្រមានចម្ងល់ទៀតថា រូបភាពនេះជាព័ត៌មានក្លែងក្លាយ។ វាមិនពិតទាល់តែសោះ។

ទោះបីជាយ៉ាងណាក៏ដោយ តាមការស៊ើបអង្កេតបន្ថែមទៀត គេបានរកឃើញថា រូបភាពនេះមិនត្រូវបានបង្ហោះជាធម្មតាទេ។ ប៉ុន្តែវាជាការផ្សាយពាណិជ្ជកម្មតាមរយៈ Facebook ដូច្នេះគេសន្មត់ថាជាការប្រើប្រាស់ព័ត៌មានក្លែងក្លាយ ដែលបង្កឲ្យមានការចាប់អារម្មណ៍ ឬភ្ញាក់ផ្អើល។ បន្ទាប់មកបញ្ឆោតមនុស្សឲ្យចុចលើតំណភ្ជាប់ដែលភ្ជាប់ទៅការផ្សាយពាណិជ្ជកម្ម។ នេះអាចជាទង្វើដើម្បីផលប្រយោជន៍អ្នកបោកប្រាស់តែប៉ុណ្ណោះ៕