ជីវិតកម្សាន្ដ

សួន ពិសិដ្ឋ ៖ ក្នុងនាមជាកូនខ្មែរ កើតលើទឹកដីខ្មែរ ត្រូវមានមនសិការ ឆន្ទៈ ជាភាពវិជ្ជមានសម្រាប់ជាតិ

បានផុស

១០ ខែ មុន

នៅ

ថ្ងៃសុក្រ ២២ កញ្ញា ២០២៣

ដោយ

ចាប់ប្រឡូកវិស័យសិល្បៈមានរយៈពេលយូរឆ្នាំមកនេះ អ្នកនិពន្ធល្បីឈ្មោះលោក សួន ពិសិដ្ឋ បានសាងស្នាដៃជាច្រើនតាមរយៈការនិពន្ធបទចម្រៀងល្បី និងពីរោះៗ សម្រាប់អ្នកសិល្បៈចាស់ ក្មេង ប្រុស ស្រី ជាច្រើនដួង។ កាន់តែពិសេសថែមទាំងនោះ លោក សួន ពិសិដ្ឋ ក៏មានទេពកោសល្យផ្នែកសម្ដែងទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញថ្មីៗនេះ លោក សួន ពិសិដ្ឋ បានបញ្ចេញទស្សនៈដោយបំផុសដល់អ្នកគាំទ្រ និង បណ្ដាអ្នកប្រើប្រាស់បណ្ដាញសង្គម ឲ្យចូលរួមបង្ហាញនូវអ្វីដែលជាភាពវិជ្ជមានលើបណ្ដាញសង្គម ក្នុងបំណងដើម្បីឲ្យបរទេសបានឃើញ បានស្គាល់ពីភាពអស្ចារ្យរបស់កម្ពុជា។ លោកបញ្ជាក់ថា ក្នុងនាមជាកូនខ្មែរ កើតលើទឹកដីខ្មែរ រស់លើទឹកដីខ្មែរ ជាប្រជាពលរដ្ឋខ្មែរ មានជីវិតឈាមជ័រជាកូនខ្មែរ គឺ ត្រូវមានមនសិការឆន្ទៈ។

លោក សួន ពិសិដ្ឋ បានបន្តថា «អ្នកក៏មានកាតព្វកិច្ចត្រូវតែចូលរួមបង្ហាញនិយាយតែរាល់គ្រប់អ្វីៗ ដែលជាភាពវិជ្ជមានដែលល្អ ដែលនាំជាប្រយោជន៍ ដែលអស្ចារ្យ ដែលមានភាពអភិវឌ្ឍន៍រីកចម្រើនប្រសើរដែលឧត្ដុង្គឧត្ដមរបស់ខ្មែរយើងនៅក្នុងប្រព័ន្ធបណ្ដាញសង្គម និងឲ្យបរទេសអន្តរជាតិជាសកលបានឃើញ បានស្គាល់ បានដឹង បានឮ ពីភាពអស្ចារ្យរបស់ខ្មែរ»។

អ្នកនិពន្ធរូបនេះបន្ថែមថា «ទង្វើនេះគឺនឹងបាននាំជាប្រយោជន៍ដល់យើងទាំងអស់គ្នា ព្រមទាំងនាំជាប្រយោជន៍ដល់បរទេសគ្រប់ជាន់ថ្នាក់ និងទាំងពាណិជ្ជករ អ្នកវិនិយោគទុនបរទេសអន្តរជាតិជាសកល មកវិនិយោគក្នុងប្រទេសរបស់យើង ដើម្បីបន្តបង្កើនការពង្រីកសេដ្ឋកិច្ចក្នុងស្រុកយើងឲ្យកាន់តែមានវិសាលភាព ភាពរីកចម្រើនជាអតិបរមា និងភាពអភិវឌ្ឍន៍ជាវិជ្ជមានកាន់តែខ្លាំងក្លា កាន់តែបន្តភាពរីកចម្រើនសេដ្ឋកិច្ចជាតិ ក៏ដើម្បីយើងទាំងអស់គ្នា និងជាតិខ្មែរ»៕

អត្ថបទ ៖ ចាន់រ៉ា