Lisa បំបែកកំណត់ត្រាពិភពលោក លើកទី៧

តារារ៉េប Lalisa សមាជិកក្រុម BLACKPINK បានបំបែកឯកទគ្គកម្មពិភពលោក Guinness World Record ជាមួយនឹងបទ “MONEY” នៅក្នុងអាល់ប៊ុមទោលដំបូងរបស់នាង។

កាលពីថ្ងៃទី២៧ ខែកញ្ញា ស្ថាប័ន Guinness World Records បានប្រកាសថា ខ្លួនបានប្រគល់កំណត់ត្រាពិភពលោកជាផ្លូវការដល់ Lalisa សម្រាប់បទ K-pop ដំបូងគេ ក្នុងនាមជាសិល្បការិនីទោលដែលទទួលបាន ១ពាន់លាន Stream នៅលើផ្លេតហ្វមស្ដាប់តន្ត្រី Spotify។

បទ “MONEY” ដែលជាអាល់ប៊ុមទោលដំបូងរបស់ Lalisa ដែលមានចំណងជើងថា “LALISA” ត្រូវបានចេញផ្សាយជាលើកដំបូងកាលពីថ្ងៃទី១០ ខែកញ្ញា ឆ្នាំ២០២១ ហើយបទចម្រៀងនេះចំណាយពេលជាង ២ឆ្នាំ ដើម្បីឈានដល់ ១ពាន់លាន នៅលើ Spotify ។

បន្ថែមពីលើកំណត់ត្រាពិភពលោក Guinness World Records ដែលទើបទទួលបាន សរុបមក Lalisa បានកាន់កាប់កំណត់ត្រាពិភពលោកចំនួន ៦ រួចហើយក្នុងនាមជាតារា K-popទោល រួមមាន “អ្នកឈ្នះ K-pop ទោលដំបូងគេនៅក្នុងកម្មវិធីប្រគល់ពានរង្វាន់ MTV Video Music Awards” និង “សិល្បករ K-pop ដែលអ្នកតាមដានច្រើនជាងគេនៅលើ Instagram” ជាដើម ៕

ប្រែសម្រួល៖ សន្យា

ចុចអាន៖ មេធំផលិតកម្មរបស់ក្រុម BLACKPINK ប្រឈមជាប់ពន្ធនាគារ ៣ឆ្នាំ