ជីវិតកម្សាន្ដ

ក្រោយមានគេថា ជួលអ្នកផ្សេងមករៀនជំនួស Mint Chalida ប្រាប់ការពិតដល់មហាជនភ្លាម

បានផុស

៣ years មុន

នៅ

ថ្ងៃអង្គារ ៣ តុលា ២០២៣

ដោយ

អ្នកលេងអ៊ីនធឺណិតម្នាក់ បានចេញមុខបកស្រាយពីអាកប្បកិរិយារបស់តារាស្រីវ័យក្មេងម្នាក់ដែលកំពុងសិក្សានៅសកលវិទ្យាល័យឯកជនមួយ។ ប៉ុន្តែបែរជួលអ្នកផ្សេងមករៀន មកប្រឡងជំនួសពេញមួយឆមាស ខណៈអ្នកទម្លាយនេះអះអាងថា គាត់ជាមិត្តភ័ក្ដិដែលរៀននៅថ្នាក់ជាមួយនឹងតារាស្រីរូបនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកលេងអ៊ីនធឺណិតដដែលបានទម្លាយបញ្ចាក់បន្ថែមទៀតថា គាត់ទើបតែបានជួបតារាស្រីនៅថ្ងៃប្រឡងចុងក្រោយ។ ដោយសារតែពួកគេអង្គុយជិតគ្នា ហើយពេលប្រឡងចប់ ខាងសកលវិទ្យាល័យក៏ហៅទៅជួបតារាស្រីវ័យក្មេង ព្រោះអ្នករៀននិងអ្នកប្រឡងគឺជាមនុស្សខុសគ្នា។ រឿងនេះកើតឡើងតាំងពីឆ្នាំ២០១៧មកម្ល៉េះ។ ប៉ុន្តែវាបានសាយភាយពេញបណ្ដាញអ៉ិនធើណេតម្ដងទៀត។

យ៉ាងណាមិញ ក៏មានមហាជនជាច្រើនបានចង្អុលមុខ តារាស្រីស្ថិតក្រោមទ្រនំប៉ុស្តិ៍លេខ៣ នាង Mint Chalida រហូតអ្នកស្និទ្ធស្នាលនឹងនាងចេញមុខបកស្រាយថា ពិតជាមិនពិតនោះទេ។ មិនមែនជា Mint ឡើយ!

ទន្ទឹមគ្នានោះផងដែរ កាលពីពេលថ្មីៗនេះតារាសម្ដែងស្រី Mint បានចេញមុខបកស្រាយជុំវិញពាក្យចចាមអារ៉ាមដែលលេចឮពាសពេញបណ្ដាញអ៊ីនធឺណិត តាមរយៈបទសម្ភាសជាមួយប្រព័ន្ធផ្សព្វផ្សាយល្បីៗថា “រឿងនេះមិនពិតទេ! ហើយខ្ញុំក៏មិនខ្វល់ដែរ។ ព្រោះពេលខ្ញុំឃើញព័ត៌មានថាវាមិនមែនជារឿងរបស់ខ្ញុំ ខ្ញុំក៏ទុកវាចោល។ ប៉ុន្តែក្រោយមកខ្ញុំបានដឹងថាខ្ញុំត្រូវបានគេភ្ជាប់ ខ្ញុំពិតជាមិននឹកស្មានដល់ទេថាមនុស្សដែលប្រុងចោទខ្ញុំស្អីក៏ហ៊ានធ្វើដែរ។ ប៉ុន្តែយ៉ាងណាក៏ដោយ ដោយសារវាមិនពិត ខ្ញុំមិនខ្វល់នឹងពាក្យឥតបានការរបស់អ្នកទាំងនោះទេ”៕