ជីវិតកម្សាន្ដ

ផលិតករភាពយន្ត ចាន់ណា ចំណាន ខកចិត្តចំពោះតារាសម្តែងមួយចំនួនពើងទ្រូងពេលបានល្បីទទួលលាភសក្ការៈ

បានផុស

៣ years មុន

នៅ

ថ្ងៃពុធ ១៨ តុលា ២០២៣

ដោយ

ផលិតករភាពយន្ត និងជាអ្នកដឹកនាំសម្តែងរឿងវ័យក្មេងលោក ចាន់ណា ចំណាន សម្តែងការហួសចិត្តខ្លាំង ខណៈមានតារាសម្តែងមួយចំនួន បានល្បីសម្ញែងឫកពើងទ្រូង ក្រអឺតក្រទម ក្រោយទទួលលាភសក្ការៈ ដោយមិនស្គាល់អ្នកដែលធ្លាប់ជួយជ្រោមជ្រែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធរឿងរ៉ាវនេះដែរ កន្លងមកធ្លាប់មានការលើកឡើងជាបន្តបន្ទាប់ ហើយក៏ពុំមែនទើបជាលើកទីមួយនោះដែរនៅក្នុងចង្កោម នៃអ្នកសិល្បៈបច្ចុប្បន្ន។ ម្យ៉ាងទៀតគេក៏ឃើញមានអ្នកសិល្បៈមួយចំនួនធ្លាប់បានទទួលរងការរិះគន់យ៉ាងចាស់ដៃពីសំណាក់មហាជនទៅលើចរិតឫកពា បង្ហាញកាយវិការពើងទ្រូង ឬកើតជំងឺតួឯក ក្រោយពួកគេមានឈ្មោះល្បី។

ចំណែកលោក ចាន់ណា ចំណាន ដែលជាផលិតករ បានលើកឡើងថា «ឱ..!អស់តារាសម្តែងដែលទទួលបានលាភសក្ការៈហើយ គួរតែកុំពើងទ្រូង ក្រអឺត មុខមិនមើល ក្រោយមិនបែរ ដាក់ខ្ញុំដែលជាអ្នកបញ្ជូនឈ្មោះអ្នកទាំងអស់គ្នា ទាំងតួតូចតួធំទៅចូលរួមសម្តែងអ្វី ខ្ញុំមិនបានទៅសុំប្រាក់អ្នកទាំងអស់គ្នាឯណា ចាំបាច់អ្វីប្រើក្រសែភ្នែកដូចខ្ញុំសំរាម»។

លោក ចាន់ណា ចំណាន បានបញ្ជាក់បន្ថែមថា «ស្អប់ចរិត Fake របស់តួសម្តែង សូមនឹកដល់ពេលអ្នកសុំឲ្យខ្ញុំជួយផង»។ ថ្វីត្បិតតែផលិតកររូបនេះបានបង្ហាញការអន់ចិត្តដូចការលើកឡើងខាងលើនេះពិតមែន តែ លោក ចាន់ណា ចំណាន មិនបានបញ្ចេញឈ្មោះទេថា តើអ្នកសិល្បៈរូបនោះជានរណាឡើយ ខណៈមានអ្នកគាំទ្រមួយចំនួនលើកទឹកចិត្តដល់ផលិតករវ័យក្មេងរូបនេះផងដែរ៕

អត្ថបទ ៖ ចាន់រ៉ា