ជីវិតកម្សាន្ដ

G-Dragon បង្ហោះធម៌អប់រំចិត្ត ក្រោយជួបរឿងអាស្រូវពាក់ព័ន្ធនឹងគ្រឿងញៀន

បានផុស

៨ ខែ មុន

នៅ

ថ្ងៃពុធ ១ វិច្ឆិកា ២០២៣

ដោយ

បន្ទាប់ពីក្លាយជាប្រធានបទពាក់ព័ន្ធនឹងរឿអាស្រូវតារាចម្រៀង G-Dragon ប្រញាប់ប្រញាល់ធ្វើដំណើរទៅជួបអង្គភាពស៊ើបអង្កេតបទល្មើសគ្រឿងញៀននៃការិយាល័យនគរបាលព្រហ្មទណ្ឌកម្រិតស្រាល ដើម្បីបញ្ចប់បញ្ហាមួយនេះជាបន្ទាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ក្រោយបង្ហាញវត្តមាននៅអង្គភាពស៊ើបអង្កេតបទល្មើសគ្រឿងញៀនរួចរាល់ សមាជិកក្រុម Big Bang រូបនេះស្រាប់តែបង្ហោះសម្រង់ព្រះធម៌ដែលបង្កប់អត្ថន័យក្នុងចិត្តរបស់លោកដែលមានន័យថា

“ទស្សនៈត្រឹមត្រូវ៖ ការមើលឃើញត្រឹមត្រូវ។

ការត្រិះរិះត្រឹមត្រូវ៖ ការគិតត្រូវ

ការនិយាយត្រូវ៖ ការនិយាយត្រឹមត្រូវ

សកម្មភាពសមស្រប៖ អនុវត្តភារកិច្ចឲ្យបានត្រឹមត្រូវ។

ការរស់នៅត្រឹមត្រូវ៖ ការរស់នៅឲ្យមានសេចក្ដីសុខសប្បាយ។

ការប្រឹងប្រែងត្រឹមត្រូវ : ការខិតខំត្រឹមត្រូវ។

សតិសម្បជញ្ញៈ សម្មាទិដ្ឋិ

ការផ្តោតអារម្មណ៍ត្រឹមត្រូវ៖ ការផ្តោតអារម្មណ៍ត្រឹមត្រូវនឹងខ្លួនឯង។

ព្រះនិព្វានជាទីបំផុត, គោលដៅចុងក្រោយរបស់យើងគឺការត្រាស់ដឹង, យើងត្រូវតែត្រូវបានបំភ្លឺ, យើងគួរស្វែងរកសុភមង្គលដែលឆ្លងផុតជីវិត និងសេចក្តីស្លាប់។ ប្រសិនបើយើងតោងជាប់នឹងការសប្បាយតូចៗក្នុងពេលនេះ ហើយមិនគិតពីសុភមង្គលធំជាង និងជាមូលដ្ឋាននោះ វាមិនត្រឹមត្រូវទេ។ ការផ្លាស់ប្តូរស្មារតីជាបន្ទាន់ ដែលនាំកម្លាំងរបស់យើងទៅកាន់ស្នូលគឺចាំបាច់”។

បន្ទាប់ពីរូបលោកបង្ហោះមិនប៉ុន្មានផងលើបណ្ដាញអ៉ិនធើណេតក្នុងនោះមានអ្នកគាំទ្ររបស់ G-Dragon ជាច្រើនបានចូលមកបញ្ចេញមតិលើកទឹកចិត្តនិងផ្ដល់ជាកម្លាំងឲ្យតារាប្រុសរូបនេះគិតល្អនិងសាងល្អ។

សូមរម្លឹកដែរថា កាលពីថ្ងៃពុធ ទី២៥ ខែតុលា ភ្នាក់ងារប៉ូលិសទីក្រុង Incheon បានកត់ឈ្មោះ G Dragon ទុក ពីបទប្រើប្រាស់គ្រឿងញៀន ខណ់ដែលអង្គភាពស៊ើបអង្កេតគ្រឿងញៀនរបស់ប៉ូលិស Incheon ធ្លាប់បានដាក់ពាក្យសុំដីកាស្វែងរកកំណត់ត្រាទំនាក់ទំនងរបស់លោក ក្រោមការសង្ស័យនៃបទល្មើសគ្រឿងញៀនក្រោមច្បាប់គ្រប់គ្រងគ្រឿងញៀន។ ទោះជាយ៉ាងណាក៏ដោយ តុលាការស្រុក Incheon បានបដិសេធដោយហេតុផលថា ភស្តុតាងមិនគ្រប់គ្រាន់ឡើយសម្រាប់ការចាប់ខ្លួនលោកឡើយ៕