ជីវិតកម្សាន្ដ

ថ្មីរហូតហ្មង…! ក្រោកពីគេងភ្លាម ឧកញ៉ា ខេមរៈ សិរីមន្ត ធ្វើរឿងមួយនេះ កក្រើកពេញបណ្ដាញសង្គម

បានផុស

៣ years មុន

នៅ

ថ្ងៃអាទិត្យ ១៩ វិច្ឆិកា ២០២៣

ដោយ

បទចម្រៀង «Call Me PaPa» របស់តារាចម្រៀង ខេមរៈ សិរីមន្ត កំពុងផ្ទុះខ្លាំងក្នុងស្រទាប់យុវវ័យ ជាពិសេសប៉ុន្មានថ្ងៃនេះមានអ្នកយកបទចម្រៀងនេះទៅលេងក្នុងបណ្ដាញសង្គម TikTok ច្រើន ដែលធ្វើឱ្យបទចម្រៀងមួយបទនេះកាន់តែផ្ទុះខ្លាំងនាពេលបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនថាអ្នកលក់អនឡាញ តារាអនឡាញ និង យុវវ័យជាច្រើន ដែលនិយមគាំទ្រវិស័យចម្រៀង ខ្មែរ ម្នាក់ៗ បានយកបទចម្រៀងដ៏ល្បីរបស់ឧកញ៉ា ខេមរៈ សិរីមន្ត ដែលមានចំណងជើងថា «Call Me PaPay» ទៅកាត់ត និងបង្ហោះពេញបណ្តាញសង្គម ហ្វេសប៊ុក និង Tiktok ដើម្បីច្រៀង និងរាំលេងកម្សាន្ត។ បន្ទាប់ពីឃើញសកម្មភាពដ៏ផុសផុលនេះ ធ្វើឱ្យម្ចាស់បទចម្រៀងនេះ មានអារម្មណ៍រំភើបក្រៃលែង។

ទន្ទឹមនឹងការកាត់តបទចម្រៀងដែលមានចំណងជើងថា « Call Me PaPa » ឱ្យល្បីល្បាញពេញក្នុងបណ្តាញសង្គមមក ឧកញ៉ា ខេមរៈ សិរីមន្ត បាននិយាយទៅកាន់អ្នកគាំទ្ររបស់ខ្លួនថា «ត្រឡប់មកជាថ្មីម្ដងទៀត ជាមួយបទ Call Me PaPa ដែលធ្វើឡើងដើម្បីតម្រូវតាមការគាំទ្ររបស់ពុកម៉ែបងប្អូន ពិសេសបងប្អូនក្នុងស្រទាប់យុវវ័យ ដែលចូលចិត្តនិយមនូវប្រភេទបទបែប Remix នេះ បងប្អូនច្បាស់ជាស្គាល់ច្បាស់នូវស្នាដៃនិពន្ធរបស់ប្អូនប្រុសសង្ហា ខ្ញុំក៏ពេញចិត្តនូវចង្វាក់ភ្លេងមួយបទនេះដែរ សង្ឈឹមថាពុកម៉ែបងប្អូនទាំងអស់គ្នា ក៏ចូលចិត្ត និងស្រលាញ់គាំទ្រដូចគ្នា»។

គួរបញ្ជាក់ផងដែរថា បទចម្រៀង «Call Me PaPa» គឺបានចេញនៅក្នុងផលិតកម្ម Galaxy Navatra រយៈពេល ៦ ថ្ងៃហើយ ដោយបទចម្រៀងនេះនិពន្ធបទភ្លេង និងទំនុកច្រៀងដោយ Songha។

បើចង់ដឹងច្បាស់ថា បទចម្រៀង «Call Me Papa» របស់ឧកញ៉ា ខេមរៈ សិរីមន្ត ពីរោះយ៉ាងណា តស់ទៅទស្សនា និងស្តាប់កម្សាន្តទាំងអស់គ្នា ៖