ជីវិតកម្សាន្ដ

ការបង្ហាញខ្លួនរបស់ Fan Bingbing លើកំរាលព្រំក្រហម នៅតែទាក់ចំណាប់អារម្មណ៍សាធារណជនបរទេស

បានផុស

៣ years មុន

នៅ

ថ្ងៃពុធ ៦ ធ្នូ ២០២៣

ដោយ

កាលពីល្ងាចថ្ងៃទី ៣០ ខែវិច្ឆិកា មហោស្រពភាពយន្តអន្តរជាតិសិង្ហបុរីលើកទី ៣៤ បានប្រព្រឹត្តទៅជាផ្លូវការ ដោយប្រមូលផ្តុំតារាល្បីៗមកពីទូទាំងតំបន់មកចូលរួម។ ក្នុងចំណោមនោះ ការលេចមុខជាថ្មីដ៏អស្ចារ្យរបស់ Fan Bingbingនៅលើកម្រាលព្រំក្រហមនៃរោងកុនអន្តរជាតិបានទាក់ទាញការចាប់អារម្មណ៍យ៉ាងឆាប់រហ័សលើវេទិកាសម្រស់ និងភាពយន្តអាស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាពក្តៅគគុករបស់តារាស្រីចិនរូបនេះ មិនដែលចេះថមថយទៅតាមពេលវេលាសូម្បីតែបន្តិចណា លើសពីនេះក៏បង្ហាញថា នាងមិនអន់ជាងតារាអន្តរជាតិប៉ុន្មានទេ ត្រឹមតែប៉ុន្មានម៉ោងនៃការបង្ហាញខ្លួនក្នុងព្រឹត្តិការណ៍ ឈ្មោះរបស់នាងត្រូវបានគេចាប់អារម្មណ៍យ៉ាងខ្លាំងក្នុងប្រទេសជាច្រើន។

ដោយចូលរួមក្នុងព្រឹត្តិការណ៍ដ៏មានកិត្យានុភាពនេះ Fan Bingbing បានជ្រើសរើសសម្រាប់ខ្លួននាងផ្ទាល់នូវការរចនាម៉ូដដ៏ទំនើបដែលគ្របដណ្តប់ខ្លួនដ៏ប្រណិតពីរឈុត។ ក្នុងនាទីដំបូងនៃការដើរលើកំរាលព្រំក្រហម តារាស្រីរូបនេះបានទាក់ទាញការចាប់អារម្មណ៍ជាមួយនឹងសំលៀកបំពាក់ពណ៌ខ្មៅចេញពីម៉ូដម៉ូដ Stephane Rolland’s Fall/Winter 2023 ជាមួយនឹងការដេរប៉ាក់ពីខាងក្រោយដ៏ទាក់ទាញ។

ក្រៅពីនេះ ការផាត់មុខយ៉ាងមុតស្រួចជាមួយរោមភ្នែកកោងក៏បានជួយឲ្យ Fan Bingbing ចាប់យកកញ្ចក់ភ្នែកទស្សនិកជនទាំងអស់នៅក្នុងព្រិត្តិការណ៍ដ៏សំខាន់។ ជាពិសេស មន្តស្នេហ៍និងភាពប្រណិតនៃរាជនីកំរាលព្រំក្រហមរបស់ចិន ធ្វើឲ្យមនុស្សពិបាកថាមិនក្រឡេកមើលនាងណាស់។

ចំណែកមួយឈុតទៀត តារាស្រីកើតឆ្នាំ ១៩៨១ បានជ្រើសយកឈុតពណ៌ក្រហម ដោយនាងបង្ហាញភាពស្រស់ស្អាតឥតខ្ចោះ ក្នុងការរចនាម៉ូដឈុតដែលទាក់ទាញភ្នែកនៅក្នុងការប្រមូល Fall/Winter នៃម៉ាក Lanvin ។

ថ្វីត្បិតតែមានវ័យជាង ៤០ឆ្នាំទៅហើយក្តី ប៉ុន្តែរូបរាងរបស់តារាស្រីចិននៅតែភ្លឺថ្លា និងទាក់ទាញខ្លាំងពីសំណាក់ភ្នែកទស្សនិកជនបរទេស។ ចំណែកឯសមត្ថភាពរបស់នាងក្នុងការដើរលើកំរាលព្រំក្រហម ដោយមិនគិតពីការរចនាពិបាក ឬពណ៌ នាងនៅតែទទួលបានការសរសើរពីអ្នកលេងអ៊ីនធឺណិតព្រោងព្រាត។

យ៉ាងណាមិញ បន្ទាប់ពីមានភាពចលាចលពាក់ព័ន្ធនឹងផ្នែកហិរញ្ញវត្ថុ Fan Bingbing ត្រូវបានគេហាមឃាត់និងមិនអាចត្រឡប់ទៅសកម្មភាពសិល្បៈនៅក្នុងទីផ្សារក្នុងស្រុករបស់ប្រទេសចិនបានដូចពីមុនឡើយ។ ប៉ុន្មានឆ្នាំចុងក្រោយតារាស្រីរូបនេះតែងតែព្យាយាមស្វែងរកឱកាស និងអភិវឌ្ឍអាជីពក្នុងវិស័យសិល្បៈកូរ៉េ។ ដូច្នោះហើយ ទើបនាងបានចូលរួមនៅក្នុងគម្រោង Kdrama ជាច្រើនក្នុងនាមជាតួឯកស្រី ដោយបានបង្ហាញខ្លួនគួរឲ្យចាប់អារម្មណ៍នៅក្នុងព្រឹត្តិការណ៍ភាពយន្តពិភពលោកធំៗដូចជា Oscar, Cannes, Berlin Film Festival និងសប្តាហ៍ម៉ូដផ្សេងៗ៕