ជីវិតកម្សាន្ដ

រ៉ាប៊ី បដិសេធ ក្រោយធ្លាយដំណឹងជិតចូលរោងការ

បានផុស

១ year មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

ម្ចាស់បទ “រាំញ័រ” កញ្ញា រ៉ាប៊ី ថ្មីៗនេះបានធ្វើឲ្យមហាជនអ្នកគាំទ្រជាច្រើនបានបង្ហាញការភ្ញាក់ផ្អើលបន្ទាប់ពីមានដំណឹងសង្ស័យថា តារាស្រីរូបស្រស់ រ៉ាប៊ី ទំនងជិតចូលរោងការជាមួយកំលោះសង្ហាកីឡាករបាល់ទាត់ Nick Taylor។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនេះបានបង្កការចាប់អារម្មណ៍ និងមានការចែករំលែកជាហូរហែនៅលើបណ្ដាញសង្គមហ្វេសប៊ុក ខណៈក៏មានសារព័ត៌មានមួយចំនួនបានចុះផ្សាយដាក់ការសង្ស័យលើតារាចម្រៀងសាច់ខ្ចីកញ្ញា រ៉ាប៊ី កំពុងត្រៀមចូលរោងការស្ងាត់ទៀតផង ។ ប៉ុន្តែយ៉ាងណា ក្រោយមានដំណឹងនេះសាមីខ្លួន រ៉ាប៊ី បានឆ្លើយបដិសេធន៍មិនមែនជាការពិតទេ។

តារាចម្រៀងកញ្ញា រ៉ាប៊ី បានឆ្លើយបញ្ជាក់ច្បាស់ៗដោយខ្លីទៅកាន់ការសង្ស័យរបស់ទស្សនិកជនថា “អ្នកថា រ៉ាប៊ី ជិតការគឺខុសហើយ ការហើយៗគឺការក្នុងហ្នឹងឯង (សម្ដែង)”។ ប្រតិកម្មឆ្លើយតបរបស់ រ៉ាប៊ី ខាងលើនេះបន្ទាប់ពីមានការចែករំលែករូបភាព និងវីដេអូស្និទ្ធស្នាលជាមួយកីឡាករបាល់ទាត់ Nick Taylor ក្នុងសកម្មភាពសម្ដែងផ្សព្វផ្សាយពាណិជ្ជកម្មរបស់ក្រុមហ៊ុនមួយកាលពីថ្មីៗកន្លងទៅ។

តាមការកត់សម្គាល់ម្ចាស់បទ “មានស្រែ” កញ្ញា រ៉ាប៊ី បច្ចុប្បន្នកំពុងសាងប្រជាប្រិយភាព និងភាពល្បីល្បាញរបស់ខ្លួនតាមរយៈបទចម្រៀងថ្មីៗញាក់កន្ទ្រាក់អារម្មណ៍បំពេញតាមតម្រូវការរបស់អ្នកគាំទ្រគ្រប់វ័យ។ ម្យ៉ាងទៀតបើសង្កេតមើលពីទីផ្សារចម្រៀងសព្វថ្ងៃរបស់នាង គឺកាន់តែមានសន្ទុះហក់ឡើង និងមានទីផ្សារច្រើនក្នុងការចេញច្រៀងនៅតាមបណ្តាកម្មវិធីប្រគំតន្ត្រីនានានៅតាមខេត្ត។

This image has an empty alt attribute; its file name is FB_IMG_1702452362173-1.jpg

ការរក្សាបានទីផ្សារគាំទ្រ និងប្រជាប្រិយភាពពីសំណាក់កញ្ញា រ៉ាប៊ី នេះក៏ព្រោះរាល់ការចេញបទចម្រៀងរបស់នាងនីមួយៗបានតម្រូវចិត្តអ្នកគាំទ្រ។ ជាក់ស្ដែង ដូចជាបទ “មានស្រែ២” និងបទ “រាំញ័រ” នាអំឡុងពិធីចូលឆ្នាំនេះជាដើម៕

អត្ថបទ៖ ចាន់រ៉ា