ជីវិតកម្សាន្ដ

លេចមុខ Chompoo ចូលរួមក្នុងមង្គលការរបស់តួរឿង “ខ្មោចត្រឡោកបែក”

បានផុស

១ year មុន

នៅ

ថ្ងៃអង្គារ ១៩ ធ្នូ ២០២៣

ដោយ

ដោយសារតែធ្លាប់រួមការងារជាមួយគ្នាកន្លងមក ទើបធ្វើឲ្យតារាសម្ដែង Chompoo Araya និង Kohtee Aramboy មានភាពស្និទ្ធស្នាលគ្នាខ្លាំង ដល់ថ្នាក់នាងបានទៅចូលរួមមង្គការរបស់តារាកំប្លែងរូបនេះយ៉ាងភ្ញាក់ផ្អើលបំផុត។

កាលពីថ្ងៃទី១៧ ខែធ្នូ កន្លងទៅនេះតារាកំប្លែងថៃលោក Kohtee Aramboy និងមិត្តស្រី Kwang Suphak បានសម្រេចប្រារព្ធពិធីមង្គលការ ចាប់ផ្តើមជីវិតរួមគ្នាជាប្តីប្រពន្ធផ្លូវការនៅថ្ងៃ១៧ ខែធ្នូឆ្នាំ ២០២៣ ដោយមានភ្ញៀវសុទ្ធតែជាមិត្តជិតស្និតប៉ុណ្ណោះ។

ទោះយ៉ាងណាក៏ដោយ វត្តមានរបស់តារាសម្ដែង Chompoo នាំកូនប្រុសជាទីស្រឡាញ់ទៅចូលរួមអបអរសាទរ Kohtee Aramboy ក្នុងពិធីមង្គលការ បានធ្វើឲ្យមហាជនមានការភ្ញាក់ផ្អើលយ៉ាងខ្លាំងសឹងមិនដឹងថាអ្នកទាំងពីរគឺជាមិត្តនឹងគ្នាឡើយ។ ហើយនៅលើគណនីផ្ទាល់របស់នាង ក៏បានបង្ហោះរូបភាពនិងខេបសិនបញ្ចាក់ថាមកចូលរូមមង្គលការមិត្តសំឡាញ់ Kohtee។

លើសពីនេះវត្តមានរបសើតារាសម្ដែងកូន៣ បានធ្វើឲ្យកូនកំលោះមានក្ដីរំភើបខ្លាំងរហូតចូលទៅបញ្ចេញមតិពីក្រោមរូបភាពថា អរគុណណាស់មិត្ត សម្រាប់កិត្តិយសនៃការមកចូលរួមពិធីមង្គលការមួយនេះ។ ខ្ញុំពិតជាមិនដឹងថាត្រូវផ្តល់ពាក្យអ្វីដល់អ្នក ប៉ុន្តែអ្នកបានចាប់យកបេះដូងរបស់ខ្ញុំមិត្តជាទីស្រឡាញ់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ រវាង Chompoo Araya និង Kohtee Aramboy ពួកគេធ្លាប់ជួបគ្នាសម្ដែងក្នុងរឿងបែបកំប្លែង CRAZY CRYING LADY កាលឆ្នាំ ២០១២ ធ្លាប់កក្រើកប្រទេសថៃ ដោយសារតែការសម្ដែងរបស់អ្នកទាំងពីរយ៉ាងក្រមិចក្រមើមបង្ហាញជូនដល់ទស្សនិកជន៕