សេពគប់គ្នាជិត១០ឆ្នាំ តួកំប្លែងថៃក្នុងរឿង “ប្រុសលក់ខ្លួន” ចូលរោងការថ្ងៃនេះ

បន្ទាប់ពីរង់ចាំអស់រយៈពេលជាង ១០ឆ្នាំ ទីបំផុតតារាកំប្លែងថៃលោក  Kohtee Aramboy  និងមិត្តស្រី Kwang Suphak បានសម្រេចប្រារព្ធពិធីមង្គលការ​ ចាប់ផ្តើមជីវិតរួមគ្នាជាប្តីប្រពន្ធផ្លូវការនៅថ្ងៃ១៧ ខែធ្នូឆ្នាំ ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈ Sanook បានបង្ហាញថា ក្នុងពិធីមង្គលការរបស់តារាកំប្លែងប្រចាំប្រទេសថៃ មានត្រឹមតែបងប្អូននិងក្រុមមិត្តជិតស្និទ្ធប៉ុណ្ណោះ ដែលចូលរួមជាសាក្សីនៃក្ដីស្រលាញ់របស់អ្នកទាំងពីរ។ ក្នុងនោះផងដែរ មិត្តរបស់លោកបានចែករំលែកវីដេអូឃ្លិបបង្ហាញពីរូបភាពនៃពិធីមង្គលការនាពេលព្រឹក​អមដោយខេបសិនបញ្ចាក់ថា “នេះជាពេលវេលាដែលគូស្វាមីភរិយាថ្មី សាច់ញាតិចាស់ទុំ និងភ្ញៀវជិតស្និទ្ធ​រួម​គ្នា​ស្ដាប់ធម៌ និង​ប្រគេនចង្ហាន់ដល់​ព្រះសង្ឃក្នុងពិធីសូត្រមន្ត នៅកណ្តាលបរិយាកាសសាមញ្ញ និងឯកជនបំផុត។

បន្ថែមពីលើនោះ នាល្ងាចថ្ងៃ១៧ ធ្នូដដែលនេះ តួកំប្លែងដែលសម្ដែងក្នុងរឿង “ប្រុសលក់ខ្លួន” Kohtee Aramboy និងអនាគតភរិយា នឹងធ្វើសន្និសិទកាសែតដើម្បីបើកបង្ហាញពីប្រវត្តិស្នេហាផ្អែមល្ហែមរបស់ពួកគេ​ ព្រមទាំងផែនការគ្រួសារនាពេលអនាគតជាមួយប្រព័ន្ធផ្សព្វផ្សាយនៅបន្ទប់ Basilica Room ដល់ក្រុមអ្នកសារព័ត៌មានផងដែរ។

យ៉ាងណាមិញមុនថ្ងៃអាពាធ៍ពិពាធ៍មួយនេះ Kohtee Aramboy បានបង្ហាញរូបថត Pre-Wedding ព្រម​ទាំង​បញ្ជាក់​សារ​ថា​ “មានពេលមួយក្នុងជីវិតរបស់ខ្ញុំ ពេលរៀបការនៅថ្ងៃទី ១៧ ខែធ្នូ ខ្ញុំប្រហែលជាមិនអាចអញ្ជើញមនុស្សគ្រប់គ្នាឲ្យមកចូលរួមបានទេ ជាពិសេសម្រាប់អ្នកដែលមានការងារច្រើន ឬអ្នករស់នៅឆ្ងាយ។ តាមពិតខ្ញុំចង់អញ្ជើញគ្រប់គ្នា ខ្ញុំពិតជាចង់ឲ្យអ្នកទាំងអស់គ្នាមកអបអរសាទរយើងទាំងពីរ”៕

សូមទស្សនារូបភាពខាងក្រោម៖

ប្រែសម្រួល៖ សាង ​ស្រីល័ក្ខ

ចុចអាន៖ទស្សនិកជនភ្ញាក់ផ្អើល ក្រោយដឹងថា Suho ក្រុម EXO មានមុខដូចគ្នានឹងស្ដេចចុងក្រោយនៃរាជវង្ស Joseon