ជីវិតកម្សាន្ដ

ទស្សនាវដ្ដី Vogue រំលេចរូបមង្គលការរបស់ Pu Praya និងស្វាមីសេដ្ឋីវៀតណាម ចាយសុទ្ធតែឈុតប្រណិតនិងលំដាប់

បានផុស

៣ years មុន

នៅ

ថ្ងៃអង្គារ ១៩ ធ្នូ ២០២៣

ដោយ

ប្រព័ន្ធផ្សព្វផ្សាយនៅប្រទេសអង់គ្លេស បានចងក្រងរូបថតផ្តាច់មុខពីអាពាហ៍ពិពាហ៍ដ៏ប្រណិតរបស់តារាសម្ដែងថៃ Pu Praya និងស្វាមីអ្នកជំនួញជាជនជាតិវៀតណាមគឺលោក Quoc ដែលជាមហាសេដ្ឋីអាស៊ីដ៏មានទ្រព្យស្តុកស្តម្ភមួយរូបនៅសហរដ្ធអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈប្រព័ន្ធផ្សព្វផ្សាយរបស់អង់គ្លេស Vogue British បានបង្ហាញពីរូបភាពប្លែកៗ ខាងក្នុងនៃមង្គលការរបស់ Pu Praya ព្រមទាំងបង្ហាញពីរឿងរ៉ាវនៃពិធីមង្គលការដ៏អស្ចារ្យបំផុតមុនពេលពួកគេជួបគ្នា។ ក្នុងនោះគេថែមទាំងបញ្ចាក់ថា តារាសម្តែងថៃរូបនេះបានស្លៀកឈុតអាពាហ៍ពិពាហ៍ដ៏ប្រណិតបំផុតចំនួន ៤ ពីម៉ាកល្បីៗលើពិភពលោក។ ចំណែកឯតម្លៃវិញខ្ពស់មិនធម្មតានោះទេ។ ជាពិសេស សំលៀកបំពាក់ដែលលេចធ្លោនោះត្រូវបានរចនា និងដេរយ៉ាងពិសេសសម្រាប់កូនក្រមុំពីម៉ាកយីហោដ៏ល្បីល្បាញ Valentino haute couture ដែលបានចំណាយពេល ៦០០ ម៉ោងដើម្បីបង្កើតការកាត់ដេរបែប haute couture បង្កើន VVIP ពីក្រុម Valentino ក្នុងថ្ងៃសំខាន់មួយនេះ។

លើសពីនេះប្រព័ន្ធផ្សព្វផ្សាយ Vogue Britishបានបញញចាក់ទៀតថា មិនត្រឹមតែបង្កើតពិធីមង្គលការដ៏គួរឲ្យភ្ញាក់ផ្អើលនោះទេក្នុងនោះគេសង្កេតឃើញពីទីតាំងប្រារព្ធពិធីជាមួយនឹងទីតាំងដ៏អស្ចារ្យនៅ LA ដោយតុបតែងសាលជាមួយផ្កាកុលាបជាង ២ម៉ឺនទង ដែលត្រូវបានជ្រើសរើសពីថ្នាក់ល្អបំផុតមកពីជុំវិញពិភពលោក និងរចនាអាហាររោយកម្ទេចមាស 24K ធ្វើឲ្យបណ្តាញសារព័ត៌មានអន្តរជាតិ ទស្សនាវដ្តី Vogue បានរាយការណ៍ថា វាជាពិធីមង្គលការដ៏ធំបំផុតក្នុងឆ្នាំ ២០២៣ សម្រាប់តារាល្បីៗ និងតារាហូលីវូដ ហើយវាគឺជាការប្រារព្ធពិធីមង្គលការដ៏គួរឲ្យចាប់អារម្មណ៍បំផុតដែលពោរពេញទៅដោយស្នេហាដ៏អស្ចារ្យផងដែរ។

ទន្ទឹមនោះដែរ តារាសម្ដែង Pu Praya បាននិយាយយ៉ាងសប្បាយរីករាយបន្ថែមទៀតថា «ពេលវេលាដ៏អស្ចារ្យបំផុតមួយសម្រាប់យើង គឺការឃើញឪពុកម្តាយរបស់យើងទាំងពីរកំពុងប្រារព្ធពិធីនៅកន្លែងរាំ។ តើយើងមានប៉ុន្មានដងក្នុងជីវិត ដែលមានមនុស្សពិសេសសម្រាប់យើងក្នុងបន្ទប់តែមួយដើម្បីអបអរជាមួយ?