ជីវិតកម្សាន្ដ

ឧស្សាហកម្មកម្សាន្តកូរ៉េខាងត្បូង កាន់ទុក្ខការបាត់បង់តារាសម្ដែង Lee Sun Gyun

បានផុស

២ years មុន

នៅ

ថ្ងៃពុធ ២៧ ធ្នូ ២០២៣

ដោយ

ដំណឹងមរណភាពរបស់តារាសម្ដែង Lee Sun Gyun បានធ្វើឲ្យវិស័យកម្សាន្តក្នុងប្រទេសកូរ៉េខាងត្បូងសោកស្ដាយនិងរន្ធត់យ៉ាងខ្លាំង ខណៈដែលតារាល្បីៗជាច្រើនរូបបានសម្ដែងការសោកស្ដាយ និងរំលែកទុក្ខតាមរយៈបណ្ដាញសង្គម។

ភរិយារបស់តារាចម្រៀង Kang Won-rae គឺ Kim Song បានចែករំលែកគំនិតរបស់នាងនៅលើបណ្តាញសង្គមផ្ទាល់ខ្លួនដោយសង្កត់ធ្ងន់លើផលប៉ះពាល់អវិជ្ជមាននៃចិត្តគំនិតក្នុងសង្គម និងការចៀសមិនរួចនៃភាពមិនល្អឥតខ្ចោះរបស់មនុស្ស។ នាងបានទួញសោកចំពោះការវិនិច្ឆ័យ និងសម្ពាធដ៏អាក្រក់ដែលមនុស្សប្រឈមមុខ ដោយសង្កត់ធ្ងន់ពីសារៈសំខាន់នៃការអាណិតអាសូរ និងការយោគយល់ ជាពិសេសក្នុងគ្រាលំបាកបែបនេះ។

ងាកទៅកាន់តារាកំប្លែង Yoon Taek បានសរសេរសារចូលរួមសោកស្ដាយដល់ Lee Sun Gyun ដោយឆ្លុះបញ្ចាំងពីការតស៊ូរបស់តារារូបនេះ និងបង្ហាញពីទុក្ខសោកចំពោះការឈឺចាប់ដែលលោកត្រូវតែស៊ូទ្រាំក្នុងការចាកចេញពីមនុស្សជាទីស្រលាញ់របស់លោក។ Yoon បានសរសើរទេពកោសល្យរបស់ Lee ហើយសង្ឃឹមថាការចាកចេញនេះគឺនឹងមានតែសន្តិភាពនៅក្នុងជីវិតរបស់ Lee Sun Gyun ។

ចំណែកពិធីករ និងជាបុគ្គលិកទូរទស្សន៍របស់កូរ៉េខាងត្បូងលោក Jang Sung-kyu បានបង្ហោះរូបភាពខ្មៅនៅលើបណ្តាញសង្គមរបស់គាត់ជាសញ្ញានៃការកាន់ទុក្ខ និងសម្តែងការរំលែកទុក្ខ ខណៈដែល Jung Ga-eun បានបញ្ចេញមតិបង្ហាញការបាត់បងធនធានដ៏សំខាន់នេះ បន្ទាប់ពីឮព័ត៌មានរន្ធត់។

ដោយឡែក តារាល្បីៗផ្សេងទៀត រួមមាន Muga-Dang Prime តារាចម្រៀង Gilgun លោក Lee Soo និងតារាសម្ដែង Soo Hyun ក៏បានចូលរួមកាន់ទុក្ខ ដោយឧទ្ទិសដល់វិញ្ញាណក្ខន្ធតារាប្រុសរូបនេះ និងសម្ដែងការសោកស្ដាយចំពោះមរណភាពដោយមិននឹកស្មានដល់។

សូមរម្លឹកដែរថា Lee Sun Gyun ត្រូវបានគេស្គាល់ថាជាតួសម្តែងក្នុងរឿង “Coffee Prince” “My Mister” និងជាច្រើនទៀត គឺជាតួសម្តែងដ៏ល្បីល្បាញក្នុងឧស្សាហកម្មកម្សាន្តកូរ៉េខាងត្បូង។ ការស្លាប់របស់គាត់គឺជាការខាតបង់យ៉ាងសំខាន់ចំពោះឧស្សាហកម្មនេះ ហើយបានឆក់យកបេះដូងមិត្តរួមការងារ និងអ្នកគាំទ្រជាច្រើនដូចគ្នា៕