Connect with us

ជីវិតកម្សាន្ដ

តុលាការសេអ៊ូល កាត់ទោសជនឆបោកលក់សំបុត្រប្រគំតន្ត្រី IU និង ​​ BLACKPINK ឲ្យជាប់ពន្ធនាគារ ៦ ឆ្នាំ

បានផុស

នៅ

យោងតាមសារព័ត៌មាន News1 សរសេរចុះផ្សាយថា ចៅក្រម Lee Jong-min នៃតុលាការកណ្តាលទីក្រុងសេអ៊ូល កាលពីពេលថ្មីៗនេះបានកាត់ទោសបុរសម្នាក់ឈ្មោះ Kim មានវ័យប្រមាណជា៣០ឆ្នាំ ដែលត្រូវបានចោទប្រកាន់ពីបទឆបោក ឲ្យជាប់ពន្ធនាគាររយៈពេល៦ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពដដែលបានរាយការណ៍មកថា បុរសដែលជាជនឆបោកឈ្មោះ Kim បានធ្វើសកម្មភាពក្លែងបន្លំជាង ១៣០ ដង ដោយអះអាងថា លក់សំបុត្រប្រគំតន្ត្រីតាមកម្មវិធីជួញដូរផ្ទាល់ និងសហគមន៍អនឡាញជាច្រើន។

បុរសដែលជាជនឆបោកវ័យ៣០ឆ្នាំរូបនេះ បាន​បង្ហោះ​ការ​ផ្សាយ​ពាណិជ្ជកម្ម​ដែល​អះអាង​ថា ​នឹង​លក់​សំបុត្រ​ប្រគំតន្ត្រី​សម្រាប់​តារា​ចម្រៀង​ល្បីៗ​រួម​មាន Lim Young Woong, BLACKPINK រួមទាំង IU ហើយ​បាន​ឆបោក​យក​ប្រាក់​រាប់រយ​លាន​វ៉ុនពីជនរងគ្រោះថែមទៀតផង។

យ៉ាងណាក៏ដោយ បុរសដដែលនេះបានប្រព្រិត្តបទល្មើសនៅក្នុងខែឧសភាដល់ខែសីហា ឆ្នាំ ២០២២ គាត់បានបង្ហោះការផ្សាយពាណិជ្ជកម្មដែលអះអាងថា នឹងលក់សំបុត្រសម្រាប់ការប្រគំតន្ត្រីរបស់ Lim Young-woong ដោយបោកប្រាស់ប្រាក់ជាង២០០ លានវ៉ុន (ប្រហែល ១៥០,០០០ ដុល្លារ) តាមរយៈប្រតិបត្តិការប្រហែល ៨០ដង ។​ ប៉ុន្តែ សកម្មភាពឧក្រិដ្ឋកម្មរបស់លោក Kim មិនបានបញ្ចប់នៅនោះទេ។ ក្នុងឆ្នាំដដែល គាត់ក៏បានល្បួងជនរងគ្រោះឲ្យផ្តល់ការផ្ទេរសំបុត្រការប្រគំតន្ត្រី IU ទទួលបានព័ត៌មានអំពីប័ណ្ណឥណទានរបស់ពួកគេ និងបានស្នើសុំកម្ចីកាតថែមទៀត។

តាមរយៈការផ្សាយពាណិជ្ជកម្មទំនិញផ្សេងៗ រួមទាំងសំបុត្រប្រគំតន្ត្រី ការលក់កាមេរ៉ា ការបញ្ចូលលុយហ្គេម និងកាតអំណោយរបស់ហាងនោះ លោក Kim បានឆបោកប្រាក់សរុបចំនួន ៤៩៦.៤៤ លានវ៉ុន (ប្រហែល៣៦៣,០០០ ដុល្លារអាមេរិក) ពីជនរងគ្រោះចំនួន ៣១ នាក់ឯណោះ។

យ៉ាងណាមិញ ទាក់ទិននឹងអ្នកបោកប្រាស់សំបុត្រប្រគំតន្រ្តីរបស់ IU និងក្រុម BLACKPINK នេះ តុលាការបាននិយាយថា “ការប្រព្រឹត្តឧក្រិដ្ឋកម្មរបស់ចុងចោទគឺមិនសមរម្យ ហើយចំនួនជនរងគ្រោះ និងទំហំនៃការខូចខាតគឺសន្ធឹកសន្ធាប់។ សូម្បីតែបន្ទាប់ពីត្រូវបានចោទប្រកាន់ពីបទឆបោក និងទទួលបានការកាត់ក្តីយ៉ាងណាក៏ដោយ គាត់នៅតែបន្តប្រព្រឹត្តការក្លែងបន្លំ ដោយបានបានប្រើប្រាស់ប្រាក់ចំណូលទាំងនោះសម្រាប់ល្បែងស៊ីសង និងការវិនិយោគកាក់៕

អត្ថបទ៖ សាង ​ស្រីល័ក្ខ

ចុចអាន៖ផលិតកម្ម Awesome ចាប់បានជនអនាមិកដែលសរសេរសារគំរាមតារាសម្ដែង Park Seo-joon

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម