Connect with us

ជីវិតកម្សាន្ដ

អតីត​តារា​សម្តែង​ទសវត្សរ៍ ៩០ ដឹកនាំក្រុម​សិល្បៈ​សម្តែង​អបអរចូលឆ្នាំខ្មែរ​នៅ​ទឹកដី​អា​មេ​រិ​ក

បានផុស

នៅ

មិន​ខុស​ពី​រាល់ឆ្នាំ អតីត​តារាភាពយន្ត​ដ៏​ល្បី​នា​ទស​វត្ស​រ៍ឆ្នាំ​ ៩០ ​លោក យស បូ​វណ្ណ: តែងតែ​រៀបចំដឹកនាំ​ក្បួន​ដង្ហែ​សិល្ប:​ដើម្បី​ចូលរួម​អបអរសាទរ​ពិធី​បុណ្យចូលឆ្នាំ​ថ្មីប្រពៃណី​ជាតិ​​នៅ​លើ​ទឹកដី​សហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅក្នុងឆ្នាំនេះ តារាភាពយន្តជើងចាស់រូបនេះក៏បានធ្វើពិធី​ដង្ហែ​ក្បួន​សិល្ប: ដោយបាន​ប្រកូក​ប្រកាស​ប្រមូលក្រុម​​សិល្ប:ចម្រុះមក​សម្តែងរាំងលេងកម្សាន្តសប្បាយជាការ​អបអរសាទរ​បុណ្យចូល​ឆ្នាំ​ខ្មែរ ខណ:មានការចូលរួមពីសំណាក់​​បងប្អូនខ្មែររស់នៅទីនោះនិង​ជនបរទេស​រាប់​ម៉ឺន​នាក់​ផងដែរ។

ក្រៅតែពី​ការ​ដង្ហែ​ក្បួន​សិល្ប:ចម្រុះ​ ក៏​មាន​រៀបចំ​ជា​ឆាក​តន្ត្រី​សម្រាប់​រាំ​លេង​កំសាន្ត និង​ ការ​សម្តែង​សិល្ប:បុរាណ​មួយ​ចំនួន​​ទៀតពី​ក្រុម​សិសិល្ប:របស់ខ្មែរ។

ភរិយាលោក យស បូវណ្ណ: បានបង្ហោះសកម្មភាពអមខ្លឹមសារថា សូម​ចែក​ចាយឲ្យ​​ពិភពលោកដឹងថាបងប្អូន​ខ្មែររស់នៅសហរដ្ឋអាមេរិក​សាមគ្គីគ្នាថែរក្សា​ប្រពៃណី​វប្បធម៌​ជាតិ​ខ្មែរជាមួយ​តារាភាពយន្ត​លោក យស​ បូវណ្ណៈ​ ក្នុង​ការ​ដង្ហែ​ក្បួន​វប្បធម៌​ និងចូលឆ្នាំខ្មែររៀបចំ​ដោយ​ក្រុងខ្មែរ​នៅឡុងបុិច​រដ្ឋកាលីហ្វ័ញ៉ា​។

ចំណែកលោក យស បូវណ្ណ: បានបញ្ជាក់ថា ចូលឆ្នាំ​ខ្មែរមហាសង្រ្កាន្តថ្មីសិរីសួស្តីជាមួយកូនខ្មែរ​ ដែលបានចូលរួមថែរក្សា​ ការពារ​ និងផ្សព្វផ្សាយ​ អភិរក្ស​ លេីខឿន​សិល្បៈ​វប្បធម៌​ ដេីម្បី​អត្តសញ្ញាណ​ជាតិ​ខ្មែរ​នៅលេីទឹកដីសហរដ្ឋអាមេរិក​ ពីក្រុម​​សិល្ប:វប្បធម៌ប្រចាំ​រដ្ឋកាលីហ្វ័រនីញ៉ាសហរដ្ឋ​អាមេរិក​។

លោក យស បូវណ្ណ: កាលពីកន្លងទៅបាន​លើកឡើងថា ការ​រៀបចំ​កម្មវិធី​នេះ​ឡើងគឺ​ក្នុង​គោលបំណង​បង្ហាញ​ឲ្យ​អន្តរជាតិ​បាន​​​ស្គាល់​ពី​​អត្តសញ្ញាណ​​នៃ​វប្បធម៌​ជាតិខ្មែរ ជា​ពិសេស​ចង់​ឲ្យ​ប្រជាជន​ខ្មែរ​គ្រប់​ទិស​ទី​មានការ​រួបរួម​គ្នា ចេះ​ស្រឡាញ់​គ្នានិង​​ឲ្យ​ក្មេង​ៗ​ជំនាន់​ក្រោយ​ដែល​រស់នៅ​ទី​នេះ​​បាន​ស្គាល់និង​ចូលរួម​ទ្រទ្រង់​ថែរក្សា​ខឿន​នៃ​វប្បធម៌​ជាតិខ្មែរ​ឲ្យ​បាន​គង់វង្ស​។

លោកយស បូវណ្ណ: ក៏ធ្លាប់បញ្ជាក់កន្លងមកដែរថា ដេីម្បី​ផ្សព្វផ្សាយ​សិល្បៈ​វប្បធម៌​ជាតិ ទោះលោកហត់នឿយ​ពីការងារស្នូលយ៉ាងណាក៏​ដោយ​ ក៏ក្រុម​គ្រួសារ​លោកស៊ូរខំប្រឹង​បង្ហាញឲ្យ​បរទេស​បាន​ស្គាល់​អំពី​អត្តសញ្ញាណ​សិល្បៈ​ វប្បធម៌ខ្មែរដ៏​សម្បូ​របែប​​ផងដែរ​៕

អត្ថបទ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម