ជីវិតកម្សាន្ដ

តារាសម្តែង Cha Chung Hwa ប្រកាសដំណឹងដ៏គួរឲ្យរំភើប ជិតក្លាយជាម្តាយថ្មីថ្មោង

បានផុស

២ years មុន

នៅ

ថ្ងៃព្រហស្បតិ៍ ២៥ មករា ២០២៤

ដោយ

នៅថ្ងៃទី ២៤ ខែមករា ឆ្នាំ២០២៤ យោងតាមរបាយការណ៍ពីសារព័ត៌មាន Allkpop បញ្ចាក់ថា តារាសម្តែង Cha Chung Hwa កំពុងចាប់ផ្តើមដំណើរថ្មីក្នុងនាមជាអ្នកម្តាយ។ បច្ចុប្បន្ននេះនាងត្រូវបានគេរំពឹងថា នឹងស្វាគមន៍ទារកនៅក្នុងឆមាសទីមួយនៃឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍ផ្លូវការមួយបានចែករំលែកថា Cha Chung Hwa “កំពុងរៀបចំខ្លួនយ៉ាងរីករាយ សម្រាប់ភាពជាម្តាយ ហើយនាងបានចែករំលែកដំណឹងដ៏អស្ចារ្យនេះជាមួយមនុស្សជាទីស្រលាញ់របស់នាង”។

កាលពីខែតុលា ឆ្នាំមុន Cha Chung Hwa បានសម្រេចរៀបអាពាហ៍ពិពាហ៍ជាមួយនឹងដៃគូដែលមិនមែនជាតារា ហើយថែមទាំងមានវ័យក្មេងជាងនាងពីរឆ្នាំទៀត។ ក្នុងនោះផងដែរ នាងបានសម្តែងនូវការដឹងគុណចំពោះការគាំទ្រ និងសេចក្តីស្រឡាញ់ដែលនាងបានទទួល និងបានចែករំលែកដោយបើកចំហរអំពីសុភមង្គលអាពាហ៍ពិពាហ៍ និងការគោរពស្រឡាញ់ស្វាមីរបស់នាង ។

សូមជម្រាបថា Cha Chung Hwa បានសម្ដែងជាលើកដំបូងក្នុងឆ្នាំ ២០០៥ ជាមួយនឹងការសម្ដែងរឿង ‘Backstreet Story’។ ប៉ុន្មានឆ្នាំមកនេះ នាងបានជះឥទ្ធិពលយ៉ាងខ្លាំងនៅក្នុងឧស្សាហកម្មកម្សាន្ត ដោយបានបង្ហាញពីទេពកោសល្យរបស់នាងក្នុងរឿងភាគជាច្រើនដូចជារឿង ‘Crash Landing on You’ របស់ទូរទស្សន៍ tvN Mr. Queen និង’Hometown Cha Cha Cha” ។ ជំនាញសម្ដែងដ៏ប៉ិនប្រសព្វរបស់ Cha Chung Hwa បានធ្វើឲ្យនាងក្លាយជាកន្លែងពិសេសមួយនៅក្នុងបេះដូងអ្នកទស្សនា៕