ហ្វេនសម្រុកឆែកតម្លៃកាបូបយួរដៃដែល Kimberly កាន់​ទៅ​ចូលរួម​កម្មវិធី​មួយ​នៅឥណ្ឌូណេស៊ី

អ្នកគាំទ្ររបស់តារាស្រីកូនកាត់ដ៏ស្រស់ស្អាត Kimberly Ann Voltemus សុទ្ធតែដឹងហើយថា នាងគឺជាទូតសុឆន្ទៈរបស់ប្រេន Dior ប្រចាំប្រទេសថៃ ហើយរាល់ពេលដែលចេញទៅចូលរួមកម្មវិធីសំខាន់ណាមួយ នាងតែងតែមកជាមួយនឹងរូបភាពសាមញ្ញ ប៉ុន្តែឆើតឆាយក្នុងនាមជាប្រេនលំដាប់ពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងទៅតាមការចុះផ្សាយពីកាសែតកម្សាន្ត​ Sanook បានបង្ហោះនូវរូបភាពរបស់ភរិយា Mark Prin ក្នុងសំលៀកបំពាក់សាមញ្ញរិបរាងយ៉ាងស្រឡូន ព្រមទាំងឆ្លៀតបញ្ចេញភាពសិចស៊ីដោយសំយះស្មាសងខាង ដើម្បីបង្ហាញពីភាពទាក់ទាញដ៏អស្ចារ្យផងដែរ។ ប៉ុន្តែ​អ្វី​ដែល​ចាប់​អារម្មណ៍​ខ្លាំង​នោះ​គឺ​កាបូប​តូច​មួយ ដែល​នាង​កាន់បង្អួតភ្នែកមហាជនក្នុង​ទីក្រុង​ហ្សាកាតា ប្រទេស​ឥណ្ឌូណេស៊ីឯណោះវិញទេ។

ថ្វីបើវាជាកូនកាបូបយូរដៃតូចក៏ពិតមែន ប៉ុន្តែវាក៏បានទាក់ចិត្តអ្នកទស្សនាឲ្យក្រឡេកមើលមុនគេបង្អស់មុននឹងមើល Kimberly រហូតធ្វើឲ្យហ្វេនដែលគាំទ្រនាងសម្រុកចូលឆែកតម្លៃលើអ៉ិនធើណេត ដើម្បីចង់ដឹងថា តើវាមានតម្លៃប៉ុន្មានដែលភរិយា Mark Prin កាន់បង្អួតជនជាតិ​ឥណ្ឌូណេស៊ី។

ក្រោយមកទើបគេដឹងថា តាមពិតកាបូបតូចដែលតួឯកស្រីក្នុងរឿង “វិថីស្នេហ៍កូនភ្លោះ” កាន់នឹងដៃមានតម្លៃ១០ម៉ឺនបាត ឬប្រហែល២,៨០៨ដុល្លារឯណោះ។ ប៉ុន្តែយ៉ាងណាក៏ដោយបន្ទាប់ពីដឹងតម្លៃពិតអ្នកគាំទ្រគិតថាជារឿងធម្មតា ដែលនាងហ៊ានកាន់កាបូបតម្លៃអាចទិញផ្ទះមួយជុងបាន។ នេះក៏ដោយសារតែ Kimberly ជាទូតសុឆន្ទៈរបស់ Dior គ្រប់របស់ដែលនាងកាន់គឺសុទ្ធតែថ្លៃៗ និងពាក់ព័ន្ធជាមួយប្រេននេះជារឿយៗ៕

អត្ថបទ៖ សាង ស្រីល័ក្ខ

ចុចអាន៖បាត់មុខ២ឆ្នាំ តួប្រុសរឿង “ពូម៉ូតូឌុបបះសក់” ថា អាជីពសម្ដែងមិនមែនជាសម័យកាលលោកទេ