ជីវិតកម្សាន្ដ

សុន ស្រីពេជ្រ ចាត់ទុកថា ការជ្រើសរើសដៃគូជីវិតជារឿងសំខាន់ខ្លាំងណាស់

បានផុស

២ years មុន

នៅ

ថ្ងៃចន្ទ ២៩ មករា ២០២៤

ដោយ

តារាចម្រៀងមនោសញ្ចេតនាសំនៀងផ្អែមគ្រប់ទម្រង់ ទាំងសម័យ និងបុរាណអ្នកនាង សុន ស្រីពេជ្រ ស្របពេលដែលអាជីពសិល្បៈនូវតែរក្សាបានការគាំទ្រ និងមានប្រជាប្រិយភាពខ្ពស់សម្រាប់មហាជនទូទៅ ស្រាប់តែនាងបានចេញមកបំផុសដល់មហាជនរឿងជ្រើសរើសដៃគូ ជីវិតថា ជារឿងដ៏សំខាន់ខ្លាំងណាស់បើរើសត្រូវសំណាងមួយជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង សុន ស្រីពេជ្រ បានប្រឡូកក្នុងវិស័យសិល្បៈចម្រៀងជាច្រើនឆ្នាំមកហើយដោយអ្នកនាងទទួលបានការគាំទ្រខ្លាំងតាមរយៈចម្រៀងពីទេសចរណ៍នៅកម្ពុជាជាដើម។ដោយឡែកអ្វីដែលចាប់អារម្មណ៍អ្នកនាង សុន ស្រីពេជ្រ បានរៀបរាប់ថា ដៃគូ ជីវិត គឺសំខាន់ខ្លាំងណាស់មិនមែនចេះតែយកឲ្យបានៗនោះទេ។

តារាចម្រៀងសំនៀងមនោសញ្ចេតនា សុន ស្រីពេជ្រ បានបញ្ជាក់ថា “រឿងនេះបើជ្រើសរើសត្រូវ ជីវិតអ្នកនឹងមានសំណាងដល់ចាស់កោងខ្នងព្រោះអាចរស់នៅជាមួយមនុស្សល្អ ចេះយល់ចិត្តដឹង ទុក្ខធុរៈ និងមានគោលដៅរួមគ្នាក្នុងការកសាងគ្រួសារមួយដែលមានតែស្នាមញញឹម និងសុភមង្គល តែបើអ្នករើសដៃ គូ ជីវិតខុស នោះអ្នកនឹងស្ដាយក្រោយអស់មួយជីវិត ស្តាយដែលមិនបានមើលចិត្តគ្នាឲ្យច្បាស់លាស់មុនពេលរៀបការ”។

អ្នកនាង សុន ស្រីពេជ្រ បានលើកឡើងបន្ថែមថា ពេលស្រឡាញ់គ្នាដំបូងល្អ យូរទៅចេញចរិតអាត្មានិយមមួយថ្ងៃៗគិតតែធ្វើរឿងអត់ប្រយោជន៍ ពិសេសចូលចិត្តនាំបញ្ហាដាក់ផ្ទះ ស្រមៃទៅមើលថាបើអ្នកត្រូវរស់នៅជាមួយមនុស្សបែបនេះតើវាពិបាកប៉ុណ្ណា? នេះហើយដែលចាស់ៗតែងផ្តាំថា មុនរើសអ្នកណាស៊ើបឲ្យដឹងពីប្រវត្តិ ឬមើលចិត្តគ្នាសិនទៅបើថាត្រូវចិត្តចាំរៀបការតាមក្រោយទើបវាមិនសូវខុស។

សូមបញ្ជាក់ដែរថា តារាចម្រៀងពហុជំនាញគឺអ្នកនាង សុន ស្រីពេជ្រ ក៏បានជួបរឿងបែកបាក់គ្រួសារ បន្ទាប់ពីតារាស្រីរូបនេះ បានរៀបការជាមួយបុរសម្នាក់កាល ពីអំឡុងឆ្នាំ២០២០ កន្លង ទៅដែលពេលនេះនាងក៏ជាអ្នកម្តាយដ៏ល្អរស់នៅចិញ្ចឹមបីបាច់ថែរក្សាកូនចំនួន២នាក់នៅក្នុងបន្ទុកផងដែរ៕

អត្ថបទ៖ ចាន់រ៉ា