ជីវិតកម្សាន្ដ

អតីតបវកញ្ញា MGI ស្ថិតក្នុងកំពូលសិល្បករ មានឥទ្ធិពលបំផុតទាំង ១០ លើបណ្ដាញសង្គម

បានផុស

១០ ខែ មុន

នៅ

ថ្ងៃអង្គារ ៣០ មករា ២០២៤

ដោយ

យោងតាមប្រភពព័ត៌មានពីប្រទេសវៀតណាមបានចុះផ្សាយពីអតីតបវកញ្ញា Miss Grand International 2021 នាង Nguyễn Thúc Thùy Tiêna បានបង្ហាញខ្លួនក្នុងបញ្ជីសិល្បកមានឥទ្ធិពលបំផុតទាំង១០ លើបណ្តាញសង្គមក្នុងខែធ្នូ ឆ្នាំ ២០២៣ ខណៈដែលលទ្ធផលបានវាស់វែង និងកត់ត្រានៅគ្រប់វេទិកាទាំងអស់ ព្រមទាំងសកម្មភាពបណ្តាញសង្គមរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបញ្ជីសិល្បករដែលមានឥទ្ធិពលបំផុតទាំង១០ តាមរបាយការណ៍បញ្ចាក់ថា បវរកញ្ញា Thuy Tien ជាប់ចំណាត់ថ្នាក់លេខ៩ ជាមួយនឹងសន្ទស្សន៍ខ្ពស់ ២៤.៩៥១។ រាជិនីសម្រស់រូបនេះបានវ៉ាដាច់តារាសម្ដែង Ninh Duong Lan Ngoc ក្នុងខែធ្នូ ហើយនេះគឺជារង្វាន់ដ៏ធំបំផុតដែល Thuy Tien ទទួលបានចំពោះការស្រលាញ់ និងការជឿជាក់របស់អ្នកគាំទ្រសម្រស់។

ទោះយ៉ាងណាក៏ដោយ នេះមិនមែនជាលើកទីមួយទេ ដែលអតីតម្ចាស់មកុដ Miss Grand International 2021 បង្ហាញខ្លួនក្នុងបញ្ជីបុគ្គលមានឥទ្ធិពលបំផុត ពីមុនមកនាងតែងតែបង្ហាញខ្លួននៅលើកំពូលតារាងជាញឹកញាប់ដូចគ្នា។ ថ្វីបើ កាលពីខែធ្នូកន្លងទៅ តារាស្រីកើតឆ្នាំ ១៩៩៨ មិនសូវជាមានសកម្មភាពលេចធ្លោប៉ុន្មានទេ តែជាការកសាងរូបភាពស្អាតៗ និងអាជីពការងារមិនចេះនឿយហត់ បានជួយឲ្យនាងលេចមុខក្នុងបញ្ជីសារជាថ្មីម្ដងទៀត។

បើទោះបីជាធ្លាប់ផ្ទុះនូវរឿងអាស្រូវកក្រើកប្រទេសពាក់ព័ន្ធនឹងអំពើពេស្យាចារ កាលពីថ្ងៃទី ០៣ ខែវិច្ឆិកា ឆ្នាំ២០២៣ បានបង្កឲ្យមានការភ្ញាក់ផ្អើលយ៉ាងខ្លាំង ដល់ថ្នាក់រូបនាងផ្ទាល់ រហូតបាត់មុខមួយរយៈធំពីបណ្ដាញអ៉ិនធើណេតក្ដី។ ប៉ុន្តែ កន្លងមក Thuy Tien បានលះបង់ពេលវេលាទាំងអស់ដើម្បីការងារសប្បុរសធម៌ ព្រមទាំងប្រឹងប្រែងកសាងកេរ្តិ៍ឈ្មោះឡើងវិញ ដើម្បីអ្នកគាំទ្ររបស់នាង។

សូមរម្លឹកដែរថា កាលពីថ្ងៃទី ២១ ខែមករា ឆ្នាំ២០២៤ បវរកញ្ញា Nguyen Thuc Thuy Tien និងជាម្ចាស់មកុដកម្មវិធីប្រកួតសម្រស់ Miss Grand International 2021 ស្រាប់តែបង្ហាញវត្តមានយ៉ាងភ្ញាក់ផ្អើលបំផុត លើទឹកដីនៃប្រទេសព្រះរាជាណាចក្រកម្ពុជា ដើម្បីធ្វើសកម្មភាពសហគមន៍ និងសកម្មភាពសប្បុរសធម៌ ដោយរូបនាងបានចែកអំណោយដល់សិស្សានុសិស្ស និងថ្លែងសុន្ទរកថាពេញដោយស្នាមញញឹមលើផ្ទៃមុខ។ ចំណុចទាំងនេះហើយដែលធ្វើឲ្យនាងបានក្លាយជាបុគ្គលមានឥទ្ធិពលបំផុតទាំង១០រូប កាលចុងឆ្នាំ២០២៣៕