ជីវិតកម្សាន្ដ

Chompoo ក្លាយជាតារាបង្ហាញម៉ូដក្នុងកម្មវិធី Paris Couture Week ល្អផ្ដាច់គេ

បានផុស

៨ ខែ មុន

នៅ

ថ្ងៃសុក្រ ២ កុម្ភៈ ២០២៤

ដោយ

Paris Haute Couture Fashion Week Spring/Summer 2024 ត្រូវបានចាត់ទុកថាជាស៊េរីដើរបង្ហាញម៉ូដលំដាប់អន្តរជាតិមួយ ដែលពេញនិយមបំផុតនៅក្នុងថ្ងៃដំបូងនៃឆ្នាំនេះ នៅពេលដែលវាប្រមូលផ្តុំនូវយីហោល្បីៗ ក៏ដូចជាតារាល្បីៗមកចូលរួម។

ជាក់ស្ដែង តារាសំម្ដែងជួរមុខក្នុងប្រទេសថៃ Chompoo Araya បានបង្ហាញខ្លួនជាអន្តរជាតិដំបូងគេក្នុងកម្មវិធី Fashion Week កាលពីពេលថ្មីៗនេះ។ ស្របពេលដែល គេហទំព័រម៉ូដសំលៀកបំពាក់ Celeb’s Style បានប្រកាសពីតារាស្រីដែលមានស្ទីលស្លៀកពាក់ល្អបំផុតនៅក្នុងព្រឹត្តិការណ៍កម្រាលព្រំក្រហមផ្ដាច់គេ។ ក្នុងនោះ នាងបង្ហាញរូបរាងគួរឲ្យចាប់អារម្មណ៍ចំនួន ១០ ក្នុងកម្មវិធី Paris Haute Couture Week Spring/Summer រយៈពេល ៣ ថ្ងៃ ។

កម្មវិធីលំដាប់អន្តរជាតិនេះ បានប្រារព្ធធ្វើឡើងនៅទីក្រុងប៉ារីស ប្រទេសបារាំង ក្នុងពេលដែល Chompoo Araya បានស្លៀកយីហោលំដាប់ពីរគឺ Chanel និង Armani Privé។ នៅថ្ងៃដំបូងនៃការដើរម៉ូដ ម្ចាស់ក្សត្រីម៉ូដរបស់ថៃរូបនេះ បានបង្ហាញការរចនាផ្ទុយគ្នាពីរជាមួយនឹងឈុតខ្មៅ – ស – ក្រហមជាប្រធានបទ។ ចំណែកយីហោ Chanel តារាស្រីរូបនេះបានបញ្ចេញនូវរូបរាងដ៏ក្មេងជាងវ័យជាមួយនឹងរ៉ូប tweed សាមញ្ញ តុបតែងដោយខ្សែក camellia ពីខ្សែ Chanel Haute Couture បន្ទាប់មកនៅលើកម្រាលព្រំក្រហម Armani Privé នាងបានបង្ហាញភាពស្រស់ស្អាត នៅក្នុងសំលៀកបំពាក់រ៉ូបអត់ដៃ។

ទោះយ៉ាងណាក៏ដោយ តារាស្រីកើតក្នុងឆ្នាំ ១៩៨១ បានចូលរួមជាបន្តបន្ទាប់នៅក្នុងព្រឹត្តិការណ៍នៃផ្ទះម៉ូដ Jean Paul Gaultier, Viktor&Rolf, Balmain, Zuhair Murad និង Valentino។ ក្នុងនោះ ទស្សនិកជនសង្កេតឃើញថា ពណ៌ដែលនាងចូលចិត្តស្លៀកលើកម្រាលព្រំក្រហមភាគច្រើន តែខ្មៅនិងស៕

សូមទស្សនារូបភាពខាងក្រោម