Connect with us

ជីវិតកម្សាន្ដ

ក្រោយបង្ហាញទុក្ខព្រួយមិនបានប៉ុន្មាន Ice ចូលពេទ្យព្យាបាលផ្លូវចិត្តម្ដងទៀត

បានផុស

នៅ

បន្ទាប់ពី​បង្ហាញនូវទុក្ខព្រួយពាក់ព័ន្ធនឹងរឿងរ៉ាវ​គ្រួសារ អ្នកគាំទ្រជាច្រើនបានសម្រុកចូលទៅលើកទឹកចិត្តដល់ Ice Preechaya យ៉ាងភ្លូកទឹកភ្លូកដី។ ប៉ុន្តែមហាជនកាន់តែភ្ញាក់ផ្អើលខ្លាំង ក្រាយតារាសម្ដែងរូបនេះស្រាប់តែបង្ហាញនូវរូបភាពដេកពេទ្យជាថ្មីម្ដងទៀត។

យ៉ាងណាក៏ដោយ នេះជារឿងមួយដែលទស្សនិកជនជាច្រើនហាក់មិននឹកស្មានដល់​ ក្នុងពេលដែលជីវិតរបស់ Ice Preechaya ជួបទុក្ខព្រួយមិនចេះចប់មិនចេះហើយ។ អ្វីដែលកាន់តែពញ្ញាក់អារម្មណ៍ទស្សនិកជននោះគឺថា នាងទើ​បតែបង្ហោះសារបញ្ចេញអារម្មណ៍ផ្ទាល់ខ្លួន ដោយត្អូញត្អែរអំពីព្រឹត្តិការណ៍កើតឡើងនៅក្នុងគ្រួសារ។ ប៉ុន្តែជំនួសឲ្យការធូរស្បើយចិត្ត កាលពីពេលថ្មីៗនេះ Ice បានបង្ហោះរូបភាពសខ្មៅបិទភ្នែក ហើយអោនក្បាលចុះក្រោម ក្នុងន័យអស់សង្ឃឹមក្នុងជិវិត ខណដែលនាង​បានព្យាយាម​តស៊ូ​នឹង​អារម្មណ៍​របស់​ខ្លួនជារាល់​ថ្ងៃ។ ជាពិសេសត្រូវប្រយុទ្ធប្រឆាំងនឹងជំងឺធ្លាក់ទឹកចិត្តសឹងតែរាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនីផ្ទាល់ខ្លួនរបស់តារាសម្ដែងនិងជាតួឯកស្រីក្នុងរឿង “I fine thank you love you” បានសរសេរពីក្រោមរូបភាពសខ្មៅរបស់នាងថា “អរគុណដល់អ្នកគ្រប់គ្នាដែលបារម្ភពី Ice ខ្ញុំពិតជាសោកស្តាយដែលមិនអាចទទួលយកវាទៀតទេ។ ខ្ញុំសុំទោសប្រសិនបើខ្ញុំធ្វើឲ្យអ្នករាល់គ្នាខកចិត្តចំពោះ Ice ។ ចាប់ពីពេលនេះតទៅខ្ញុំសូមសន្យា​ថា ​ស្រឡាញ់​ខ្លួន​ឯង​ឲ្យ​បាន​ច្រើន​ជាង​នេះ។ កុំភ្លេចមើលថែមនុស្សជុំវិញខ្លួន គាត់អាចញញឹម ប៉ុន្តែនៅខាងក្នុងគាត់កំពុងយំយែកទុក្ខសោករាប់ម៉ឺន”។

លើសពីនេះទៀតដែរ តារាស្រីពេញដោយសមត្ថភាព Ice បានបញ្ចាក់ពីក្រោមសាររបស់នាងបន្ថែមទៀត ពាក់ព័ន្ធទៅនឹងសុខភាពផ្លូវចិត្ត ដែលជារឿងសំខាន់មិនគួរមើលរំលង។ ក្នុងនោះនាងបញ្ចាក់ថា នាងគ្រាន់តែជាមនុស្សមួយលាននាក់ក្នុងចំណោមមនុស្សរាប់លាននាក់ដែលទទួលរងពីជំងឺធ្លាក់ទឹកចិត្ត និងតស៊ូជាមួយនឹងអារម្មណ៍ជារៀងរាល់ថ្ងៃ ពេលខ្លះគិតថាខ្លួនឯងមិនល្អគ្រប់គ្រាន់ ដើម្បីបន្តរស់នៅក្នុងពិភពលោកនេះ។ ប៉ុន្តែមិនថាមានរឿងអ្វីកើតឡើងក្នុងជីវិតទេ Ice មានសំណាង​ ដែល​មាន​ការ​គាំទ្រ​​ចាំលើកទឹកចិត្តជានិច្ច។

ជាចុងក្រោយនោះ Ice Preechaya បានថ្លែងអំណរគុណចំពោះការលើកទឹកចិត្តរបស់អ្នកគាំទ្រ ហើយរូបនាងក៏សុំធ្វើការអភ័យទោសឮអតិថិជន និងការងារដែលបានទាក់ទងកន្លងមក។ នៅពេលត្រូវបានអនុញ្ញាតឲ្យចេញពីមន្ទីរពេទ្យនាងសន្យាថា នឹងត្រលប់មកប្រយុទ្ធ បង្កើតស្នាមញញឹម និងសុភមង្គលសម្រាប់អ្នកទាំងអស់គ្នាម្តងទៀត។ ពេលនេះនាងចង់សម្រាក និងស្រលាញ់ខ្លួនឯង ហើយរក្សាចិត្តឲ្យរឹងមាំដើម្បី​បន្ត​ការ​ប្រយុទ្ធ​ប្រឆាំង​នឹង​ជំងឺ​នេះ និង​បន្ត​ប្រយុទ្ធ​ប្រឆាំង​នឹង​បញ្ហា​នេះ ដោយផ្ដែផ្ដាំទៅកាន់អ្នកគាំទ្រ​ កុំភ្លេចថែរក្សាមនុស្សដែលអ្នកស្រលាញ់។ ថ្ងៃណាមួយគាត់អាចចាកចេញដោយមិនវិលត្រលប់ មិន​មែន​ដោយ​សារ​គាត់​អត់​ធ្មត់​ទេ ប៉ុន្តែ​ពេល​ខ្លះ វាលើសពីអ្វីដែលអាចទ្រាំបាន៕

អត្ថបទ៖ សាង ស្រីល័ក្ខ

ចុចអាន៖គ្រូបង្រៀនឡាវម្នាក់ ប្រាប់ Ice ឲ្យទៅស្លាប់ ក្រោយនាងបង្ហោះសាររិះគន់គ្រួសារខ្លួនឯង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម