Hwang Jung Eum បង្ហាញមុខលើកដំបូង ចាប់តាំងពីប្រកាសលែងលះស្វាមីជាសាធារណៈ

នៅថ្ងៃទី ០៧ ខែមីនា ឆ្នាំ២០២៤នេះ តារាសម្ដែងស្រី Hwang Jung Eum​ បានបង្ហោះរូបភាពស្លៀក​ពាក់​ពណ៌​ក្រហមមួយសន្លឹកនៅលើ Instagram ផ្ទាល់ខ្លួនរបស់នាង ខណៈដែលរូបថតនោះបង្ហាញពីចរិតបែបម៉ឺងម៉ាត់ ខុសឆ្ងាយពីមុន។

Hwang Jung Eum បាន​ដាក់​ចំណង​ជើង​លើ​ការ​បង្ហោះ​របស់​នាង​ដោយ​បង្ហាញ​ថា​​​រូប​ថត​នោះ​គឺ​ជា​រូប​ថត​ពី​ K-Drama ដែល​នឹង​មក​ដល់​ក្រោមចំណងជើងថា Reborn of the Seven។ អ្នកគាំទ្រជាច្រើនមានការភ្ញាក់ផ្អើលជាខ្លាំង នៅពេលដែលឃើញវត្តមាននាងមកសម្ដែងវិញ បើទោះបីជាពេលនេះនាងលែងលះគ្នាក៏ដោយ ក៏តារាស្រីរូបនេះ នៅតែធ្វើសកម្មភាពរបស់នាង ដើម្បីផ្សព្វផ្សាយ K-Drama បង្ហាញពីអាជីពបច្ចប្បន្នផងដែរ។

យ៉ាងនេះក្ដី ការ​បង្ហោះ​របស់​នាងត្រូវគេចាត់ទុកថាជាការបង្ហោះ​លើក​ដំបូង​របស់​តារា​ស្រី​រូប​នេះ ​ចាប់​តាំង​ពី​ចោទ​ប្រកាន់​ប្តី​របស់នាងថាពី​បទ​បោក​ប្រាស់​ទំនុកចិត្ត ក្រោយមក Hwang Jung Eum ត្រូវបានគេរាយការណ៍ថា កំពុងតែចាប់ផ្តើមដំណើរការលែងលះគ្នាឲ្យដាច់ស្រេច។

ទន្ទឹមនឹងនេះ Reborn of the Seven គឺជា K-Drama ដែលត្រូវ​បាន​គេ​រាយការណ៍​ថា​​ ជា​ភាពយន្ត​សងសឹក ហើយ​ជា K-Drama ដំបូង​របស់ Hwang Jung Eum ចាប់​តាំង​ពី​មាន​ដំណឹង​ថា​នាង​លែង​លះជាសាធារណៈឡើងមក៕

អ្នកអាចទស្សនា Trailer របស់ K-Drama នៅក្នុងតំណភ្ជាប់ខាងក្រោម៖

អត្ថបទ៖ សាង ស្រីល័ក្ខ

ចុចអាន៖Taemin ​ក្រុម SHINee ផ្ញើសារដល់​អ្នក​គាំទ្រ​ ក្រោយចាក​ចេញ​ពី SM ជាទ្រនំស្នាក់អស់១៦ឆ្នាំ