ជីវិតកម្សាន្ដ

តារាចិន Gao Yalin រងការចោទប្រកាន់ពីបទប្រើហឹង្សាលើមិត្តស្រីអាយុក្មេងជាង ២៦ ឆ្នាំ

បានផុស

២ years មុន

នៅ

ថ្ងៃសុក្រ ១០ ឧសភា ២០២៤

ដោយ

យោងតាម Sinchew បានចេញរបាយការណ៍កាលពីថ្ងៃ០៩ ខែឧសភា ថា ស្រ្តីម្នាក់ឈ្មោះ Wei Jia អាយុ២៦ឆ្នាំបានបង្ហោះនៅលើបណ្តាញសង្គមកាលពីថ្ងៃអង្គារដោយចោទប្រកាន់ថា Gao Yalin មានវ័យ៥២ឆ្នាំ ថាបានបោកប្រាស់នាង និងប្រើហឹង្សា ខណៈពេលដែលនាងមានផ្ទៃពោះ។

ក្នុងនោះផងដែរ នាងបានចែករំលែករូបថតអេក្រង់នៃការសន្ទនាតាមចែចង់ និងរ៉ូមែនទិករវាង Gao និងខ្លួននាងផ្ទាល់ដោយអះអាងថា អ្នកទាំងពីរបានរៀបចំពិធីជប់លៀងមួយជាមួយគ្នា។ លើសពីនេះ នាងបានចោទប្រកាន់ Gao ថាបានច្របាច់ក និងទះកំផ្លៀងនាងនៅពេលនាងមានផ្ទៃពោះប្រាំខែ។

ស្រ្តីវ័យ២៦ឆ្នាំដែលត្រូវបានគេដឹងថាជាមិត្តស្រីតារាសម្ដែង Gao Yalin បាននិយាយបន្តទៀតថា នាងនិង Gao មានការឈ្លោះប្រកែកគ្នាយ៉ាងក្តៅគគុក បន្ទាប់ពីនាងបានរកឃើញចំណងស្នេហ៍របស់គាត់ជាមួយអ្នកថ្មី។ ឥលូវមកដល់ពេលនេះ អ្នកទាំងពីរលែងរស់នៅជាមួយគ្នាទៀតហើយ ហើយនាងចិញ្ចឹមកូនតែម្នាក់ឯង ដោយមិនមានជំនួយផ្នែកហិរញ្ញវត្ថុពី Gao សូម្បីតែបន្តិចណាឡើយ។

ទោះយ៉ាងណាក៏ដោយ ប្រធានបទ “Gao Yalin បោកប្រាស់ និងរំលោភបំពាន” យ៉ាងឆាប់រហ័ស បានឈរនៅលើកំពូលតារាងនៃប្រធានបទដែលត្រូវបានគេអានច្រើនបំផុតនៅលើប្រព័ន្ធផ្សព្វផ្សាយសង្គមចិន Weibo ដែលមានអ្នកចូលមើលជិត ១០០ លានដង។ មតិភាគច្រើនបានសម្តែងការខឹងសម្បារចំពោះតារាប្រុសវ័យចំណាស់រូបនេះ ដែលបានរក្សារូបភាពវិជ្ជមាន និងបុគ្គលិកលក្ខណៈសីលធម៌ល្អតែលើឆាកសម្ដែង។ រហូតមកដល់ពេលនេះ លោក Gao មិនបានឆ្លើយតបនឹងការចោទប្រកាន់នោះទេ។

សូមបញ្ចាក់ដែរថា Gao Yalin ជាតារាសម្ដែងចិនដ៏ល្បីមួយរូប ដែលល្បីខាងសម្ដែងក្នុងរឿង “Home with Kids”។ ជារឿយៗគាត់ដើរតួជាតួអង្គវិជ្ជមាន ហើយត្រូវបានទស្សនិកជនជាទីពេញចិត្តចំពោះរូបភាពចាស់ទុំ។ គាត់ត្រូវបានគេសរសើរថាជាឪពុកនិង ប្តីរបស់ទស្សនិកជនដែលនិយមគាំទ្រនៅលើអេក្រង់ជាយូរណាស់មកហើយ។

តារាប្រុសវ័យ ៥២ឆ្នាំរូបនេះបានរៀបការជាមួយតារាសម្តែង Shi Wei អាយុ ៤១ឆ្នាំក្នុងឆ្នាំ២០០៨។ បន្ទាប់ពីចែកផ្លូវជាមួយ Shi គាត់ត្រូវបានគេជឿថាបានផ្លាស់ទៅរស់នៅជាមួយ Wei ដោយមិនបានចុះបញ្ជីអាពាហ៍ពិពាហ៍របស់ពួកគេឡើយ៕