ជីវិតកម្សាន្ដ
ព័ស្តុតាងថ្មីលេចឡើងថា Kim Ho Joong ពិតជាបុកហើយរត់ និងឲ្យគេទទួលទោសជំនួស
ព័ស្តុតាងថ្មីៗបានលេចឡើងនៅក្នុងការស៊ើបអង្កេត ដែលកំពុងបន្តលើការសង្ស័យថា លោក Kim Ho Joong ពាក់ព័ន្ធនឹងឧប្បត្តិហេតុស្រវឹងហើយរត់។ របាយការណ៍នៅថ្ងៃទី ២៨ ខែឧសភា ថា ការថតសំឡេងរវាងការហៅទូរស័ព្ទរបស់តារាចម្រៀងប្រុសរូបនេះ និងអ្នកគ្រប់គ្រងរបស់គាត់បានកើតឡើងភ្លាមៗ បន្ទាប់ពីគ្រោះថ្នាក់។
យោងតាមរបាយការណ៍ដដែល ប៉ូលិសទទួលបានកំណត់ត្រានេះ អំឡុងពេលរឹបអូស និងវិភាគទូរស័ព្ទដៃរបស់អ្នកគ្រប់គ្រង។ ប្រតិបិត្តការនៃការហៅទូរស័ព្ទបង្ហាញឲ្យឃើញថា Kim Ho Joong ជំរុញអ្នកគ្រប់គ្រងរបស់គាត់ បង្វែរខ្លួនអ្នកជំនួស បន្ទាប់ពីគ្រោះថ្នាក់ចរាចរណ៍ស្រវឹង។
ការថតវីដេអូនេះ ត្រូវបានគេជឿថា ថតដោយស្វ័យប្រវត្តិដោយទូរស័ព្ទដៃរបស់អ្នកគ្រប់គ្រង វាផ្តល់នូវការយល់ដឹងដ៏សំខាន់ចំពោះពេលវេលាដោយផ្ទាល់បន្ទាប់ពីឧប្បត្តិហេតុនេះ។ វាក៏បង្ហាញពីការឆ្លើយតបភ្លាមៗរបស់តារាចម្រៀងប្រុស ចំពោះស្ថានភាព និងការប៉ុនប៉ងរបស់គាត់ក្នុងការបង្វែរការទទួលខុសត្រូវ។
ឧប្បត្តិហេតុបុកហើយរត់នេះ កើតឡើងនៅពេលដែល Kim Ho Joong ត្រូវបានគេចោទថា បានបុករថយន្តតាក់ស៊ីនៅលើផ្លូវក្នុងតំបន់ Apgujeong-dong, Gangnam-gu, ទីក្រុងសេអ៊ូលប្រហែលម៉ោង ១១:៤០ យប់ថ្ងៃទី ០៩ ខែឧសភា ។ ក្រោយពេលកើតហេតុ លោកបានរត់គេចខ្លួនចេញពីកន្លែងកើតហេតុ ខណៈដែលអ្នកគ្រប់គ្រងបានក្លែងបន្លំប្រគល់ខ្លួនជូនប៉ូលិស ដែលធ្វើឲ្យមានការសង្ស័យថា មានការសម្របសម្រួលមួយដើម្បីគេចចេញពីការទទួលខុសត្រូវ។
បើទោះបីជាដំបូងឡើយបានបដិសេធចំពោះការជាប់ពាក់ព័ន្ធក្នុងការបើកបរក្នុងស្ថានភាពស្រវឹង ប៉ុន្តែ Kim Ho Joong ក្រោយមកបានសារភាពពីបទល្មើសតាមរយៈភ្នាក់ងាររបស់គាត់គឺ Think Entertainment ដប់ថ្ងៃបន្ទាប់ពីឧបទ្ទវហេតុនេះ។ ការស៊ើបអង្កេតបង្ហាញថា លោកប្រហែលជាកំពុងបើកបរក្រោមឥទ្ធិពល ដោយសាក្សីបានរាយការណ៍ថាគាត់បានផឹកស្រាសូជូប្រហែលបីដបមុនពេលបើកបរ។
លើសពីនេះ ភាពមិនស្របគ្នានៅក្នុងគណនីរបស់ Kim Ho Joong អំពីការផឹកស្រារបស់គាត់ បានធ្វើឲ្យមានការសង្ស័យអំពីភាពត្រឹមត្រូវនៃសេចក្តីថ្លែងការណ៍របស់គាត់ដែលអះអាងថា បានពិសារស្រាសូជូតែដប់កែវ សក្ខីកម្មពីសាក្សីបានបង្ហាញថាការទទួលទានកាន់តែខ្ពស់គួរឲ្យកត់សម្គាល់។
ជាលទ្ធផល តំណាងអយ្យការបានស្វែងរកដីកាចាប់ខ្លួន Kim Ho Joong ក្រោមបទចោទប្រកាន់ជាច្រើន រួមទាំងបង្ករបួសស្នាមដោយការបើកបរគ្រោះថ្នាក់ បណ្តាលឲ្យស្លាប់ពេលកំពុងរត់គេចពីកន្លែងកើតហេតុ និងជួយជនល្មើសរត់គេចខ្លួនតាមច្បាប់ពាក់ព័ន្ធ។ ការស៊ើបអង្កេតបន្តនៅពេលសមត្ថកិច្ចប្រមូលផ្ដុំគ្នានូវព្រឹត្តិការណ៍ដែលឈានដល់និងបន្ទាប់ពីឧប្បត្តិហេតុបុកនិងរត់៕
អត្ថបទ៖ សាង ស្រីល័ក្ខ
ចុចអាន៖អ្នកគាំទ្រសរសើរ Yang Mi ដាក់ខ្លួនគោរពរៀមច្បង Zhang Ziyi មិនប្រជែងអួតខ្លួនលើសគេ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន