ជីវិតកម្សាន្ដ

ទោះមានស្វាមីជាមហាសេដ្ឋី តែ Pu Praya នៅតែសស្រាក់សស្រាំធ្វើការគ្មានថ្ងៃឈប់សម្រាក

បានផុស

២ years មុន

នៅ

ថ្ងៃពុធ ២៩ ឧសភា ២០២៤

ដោយ

តារាសម្ដែងថៃ Pu Praya ថ្វីដ្បិតថាបានរៀបការជាមួយមហាសេដ្ឋីវៀតណាមលោក Quoc និងពាណិជ្ជករជំនួញលំដាប់ក្ដី ប៉ុន្តែរូបនាងនៅតែឧស្សាហ៍ព្យាយាមក្នុងការងារ ហើយតែងតែបង្ហាញរូបភាពធ្វើដំណើរទៅធ្វើការជិះម៉ូតូយ៉ាងសាមញ្ញបំផុត។

ចាប់តាំងពីផ្លាស់ទីលំនៅរស់នៅក្នុងទីក្រុង Los Angeles សហរដ្ឋអាមេរិកជាមួយស្វាមីមហាសេដ្ឋី ក៏នាងតែងតែធ្វើដំណើរទៅមកក្នុងប្រទេសថៃ។ ជាពិសេសក្នុងនាមតារាម៉ូដែលល្បីមួយរូបប្រចាំប្រទេស មានទាំងការថតស្ពតពាណិជ្ជកម្ម និងការងារផ្សេងៗ ហើយនាងធ្លាប់និយាយក្នុងបទសម្ភាសថា ឆ្នាំនេះនាងបានជិះយន្តហោះទៅអាមេរិក-ថៃញឹកញាប់ណាស់ ប៉ុន្តែបើនិយាយពីជីវិតរៀបការវិញ នាងថាមិនមានបញ្ហាអ្វីទេ ព្រោះអាស្រ័យលើស្នេហានិងការយោគយល់គ្នាទៅមកតែប៉ុណ្ណោះ។

ថ្វីបើយ៉ាងណាក៏ដោយ ទោះជានាងរៀបការជាមួយស្វាមីអ្នកជំនួញមហាសេដ្ឋី ប៉ុន្តែ Pu បានបង្ហើបថា នាងនៅតែធ្វើការងារដូចមុនដដែល។ នាងមិនចង់ធ្វើជាបន្ទុករបស់ស្វាមី ហើយក៏មិនចង់ឲ្យប្តីជួយនាងក្នុងការងារ ព្រោះតារាស្រីរូបនេះដឹងថាស្វាមីក៏មានការងាររបស់គាត់។ ម្យ៉ាងទៀតដែរ នាងចង់កសាងគ្រួសារ និងកសាងគ្រឹះសម្រាប់ស្ថិរភាពទៅថ្ងៃមុខ។

តាមរយៈរូបភាពរបស់តួឯកស្រីក្នុងរឿង “នាងតូចចង្កៀងកែវ” អង្គុយលើម៉ូតូបានទាក់ទាញបណ្ដាញសង្គម ខណៈដែលនៅលើ Instagram អ្នកចាត់ការម្នាក់បានសរសេរ Caption ថា “វាជាសុបិនមួយ! ពេលកូនធ្វើឲ្យហើយក៏ខិតខំធ្វើរាល់ថ្ងៃ មិនដែលសម្រាក មានទាំងថតផ្សាយពាណិជ្ជកម្ម ថតរឿង ធ្វើការ១ថ្ងៃមាន២៤ម៉ោង យើងធ្វើការឲ្យបាន១៣ម៉ោងក្នុងមួយថ្ងៃ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ របាយការណ៍ពីប្រភពថៃដដែលបានបញ្ចាក់ទៀតថា ទោះជានាងរៀបការជាមួយមហាសេដ្ឋីវៀតណាមក៏ពិតមែន ប៉ុន្តែនាងនៅតែប្រើជីវិតដូចកាលនៅសម្ដែង ក្នុងន័យថា Pu Praya នៅតែឧស្សាហ៍ព្យាយាមធ្វើការងារដែលនាងស្រលាញ់ដូចធម្មតា រួមទាំងការថតរូប និងចូលរួមក្នុងព្រឹត្តិការណ៍ផ្សេងៗដដែល។

សូមបញ្ចាក់ដែរថា កាលពីថ្ងៃទី ១១ ខែវិច្ឆិកា Pu Praya បានសម្រេចចិត្តបញ្ចប់ភាពនៅលីវដោយចូលរោងការជាមួយស្វាមីជាអ្នកជំនួញដែលនាងស្គាល់គ្នាមកជាង១២ឆ្នាំ។ ចំណែកឯពិធីនេះបានប្រារព្ធធ្វើឡើងនៅ Bel Air ទីក្រុង Beverly Hills សហរដ្ឋអាមេរិក។ ស្របពេលដែបរិយាកាសក្នុងកម្មវិធីគឺស្រស់ស្អាតដូចរឿងនិទានព្រមទាំងមានតែភ្ញៀវជិតស្និទ្ធ និងគ្រួសារតែប៉ុណ្ណោះដែលមានបានចូលរួម៕