Rosé ត្រូវគេចំអកលើរូបស្គមស្គាំង បន្ទាប់ពីបង្ហាញខ្លួនក្នុងឃ្លិបមួយ

កាលពីពេលថ្មីៗនេះ នៅលើបណ្តាញសង្គម ឃ្លិបមួយត្រូវបានចែកចាយតៗគ្នា ដែលគេស្មានថា Rosé កំពុងថតគម្រោងថ្មីមួយ។ ការបង្ហាញខ្លួនរបស់សមាជិកក្រុម BlackPink នៅក្នុងឃ្លិបមួយនេះ បានក្លាយជាប្រធានបទចំអកសម្រាប់អ្នកលេងអ៊ីនធឺណិតជាច្រើន។

ក្នុង​ឃ្លិបនេះ Rosé បានបង្ហាញ​ខ្លួន​ជាមួយ​រាង​ស្គម​គួរ​ឲ្យបារម្ភ នាងស្លៀកខោខ្លី បានបង្ហាញជើងស្គមស្គាំងមិនគួរឲ្យជឿ។ ការបង្ហាញខ្លួនរបស់ Rosé ទទួលបានប្រតិកម្មអវិជ្ជមានជាច្រើនពីអ្នក​លេងអ៊ីនធឺណេត រហូតដល់អ្នកបង្ហោះវីដេអូគណនីអ្នកគាំទ្ររបស់តារាចម្រៀងស្រីរូបនេះ ត្រូវបិទមុខងារ Comment ថែមទៀតផង។

ទន្ទឹមនឹងនោះ អ្នកគាំទ្ររបស់ Rosé គិតថា តាំងពីបង្ហាញខ្លួនដំបូងមក តារាចម្រៀងស្រីរូបនេះ មានសភាពស្គមស្គាំងខ្លាំង។ បច្ចុប្បន្ននេះ កាលវិភាគរបស់សមាជិកគឺមមាញឹកខ្លាំង ដូច្នេះការសម្រកទម្ងន់គឺចៀសមិនរួច។ លើសពីនេះ​ក៏មាន​មតិ​ជាច្រើន​ព្រួយបារម្ភ​ពី​សុខភាព​តារាចម្រៀង​ស្រី​រូបនេះ​ផងដែរ​។ ព្រោះ​ពេល​មើល​ឃ្លិបនេះ កម្រិត​ស្គម​របស់ Rosé កាន់តែខ្លាំងសល់តែស្បែកគ្របដណញដប់ឆ្អឹងតែប៉ុណ្ណោះ។

ទោះបីជាយ៉ាងណា ដ្បិតថាមានរាងកាយស្គមខ្លាំងក៏ពិតមែន ប៉ុន្តែបើនិយាយពីប្រជាប្រិយភាពតារាចម្រៀងក្រុម BlackPink រូបនេះនាងនៅតែទទួលបានការគាំទ្រយ៉ាងខ្លាំងក្លា ទោះបីជាសមាជិកផ្សេងៗទៀតដើរផ្លូវរៀងៗខ្លួនលើអាជីពទោលក៏ដោយ៕

អត្ថបទ៖ សាង ស្រីល័ក្ខ

ចុចអាន៖Areum អតីតក្រុម T-ara និងម្តាយ ត្រូវចោទប្រកាន់ពីបទរំលោភបំពានលើកុមារ