Connect with us

ជីវិតកម្សាន្ដ

Areum អតីតក្រុម T-ara និងម្តាយ ត្រូវចោទប្រកាន់ពីបទរំលោភបំពានលើកុមារ

បានផុស

នៅ

យោងតាមរបាយការណ៍របស់ Dispatch កាលពីថ្ងៃទី ០៣ ខែមិថុនា បានឲ្យដឹងថា អតីតសមាជិកក្រុម T-ara គឺតារាចម្រៀង Lee Areum ត្រូវបានចោទប្រកាន់ពីបទរំលោភបំពានលើកុមារ រួមជាមួយនឹងម្តាយរបស់នាង ដោយប្រឈមមុខនឹងការចោទប្រកាន់ពីបទចាប់ពង្រត់កុមារ។

កន្លងមក Areum បានចោទប្រកាន់អតីតស្វាមីគឺលោក A ពីបទរំលោភលើកុមារ ដោយអះអាងថា​ គាត់បានបោះទារកពីលើគ្រែ និងធ្វើបាបលើរូបរាងកាយកូនអាយុប្រាំឆ្នាំរបស់ពួកគេ។ នាងបានចោទប្រកាន់ថា លោក A បានប្រើក្មេងៗដើម្បីបញ្ចេញកំហឹងរបស់គាត់ រួមទាំងការបត់ជើងតូច និងបន្ទោរបង់នៅលើមុខក្មេងៗទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះជាយ៉ាងណាក៏ដោយ ការអះអាងទាំងនេះមិនត្រូវបានបញ្ជាក់ទេ ហើយការស៊ើបអង្កេតរបស់ប៉ូលិសមិនបានរកឃើញភស្តុតាងនៃការរំលោភបំពានពីសំណាក់លោក A សូម្បីតែបន្តិចណាឡើយ។

ដោយឡែក កាលពីថ្ងៃទី ០៨ ខែឧសភា ការិយាល័យរដ្ឋអាជ្ញាកណ្តាលក្រុងសេអ៊ូលបានច្រានចោលសំណុំរឿងប្រឆាំងនឹងលោក A ដោយសារភស្តុតាងមិនគ្រប់គ្រាន់ ដោយលើកឡើងពីការខ្វះភាពជឿជាក់ក្នុងសក្ខីកម្មរបស់កុមារ ដែលអ្នកជំនាញបានណែនាំថាអាចមានឥទ្ធិពលពី Areum ។

ស្ថានីយ៍ប៉ូលិស Gwangmyeong បានចោទប្រកាន់ Areum កាលពីខែមុនពីបទរំលោភលើកុមារ ការធ្វេសប្រហែស និងការចាប់ពង្រត់កុមារ។ ម្តាយរបស់នាងក៏ត្រូវបានចោទប្រកាន់ពីបទចាប់ពង្រត់កុមារផងដែរ។ អ្នកទាំងពីរត្រូវបានហាមឃាត់ជាបណ្តោះអាសន្នមិនឲ្យចូលមកក្នុងចម្ងាយ ១០០ ម៉ែត្រពីកន្លែងស្នាក់នៅរបស់កុមារ និងកន្លែងមើលថែទាំកុមារ។

ម្យ៉ាងវិញទៀត Areum ដែលមានកូនប្រុសពីរនាក់ជាមួយលោក A ហើយបានលែងលះគ្នាកាលពីខែធ្នូឆ្នាំមុននោះ បានប្រកាសរៀបការជាមួយអ្នកថ្មី ឈ្មោះ Seo នៅពេលនោះ។ ប៉ុន្តែ យ៉ាងណានាងបានប្រឈមមុខនឹងការចោទប្រកាន់ពីបទបោកប្រាស់អ្នកគាំទ្រ និងអ្នកស្គាល់គ្នាជាង ៤០ លានវ៉ុនជាមួយលោក Seo ដែលនាំឲ្យពួកគេបែកបាក់គ្នានៅក្នុងខែមេសាក្នុងឆ្នាំនេះតែម្ដង៕

អត្ថបទ៖ សាង ស្រីល័ក្ខ

ចុចអាន៖ថតរឿងចប់ភ្លាម Song Hye Kyo បង្ហាញ​វីឡាស្គឹមស្គៃ តម្លៃរាប់​​លាន​ដុល្លារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម