តារាចម្រៀង កង ឧស្សាហ៍ ស្នើឲ្យសមត្ថកិច្ចជួយរកយុត្តិធម៌

ភ្នំពេញ៖ គិតមកដល់ពេលនេះក្រុមជនបង្កដែលព្រួតគ្នាវាយតារាចម្រៀងស្រីកញ្ ញាកង ឧស្សាហ៍ បណ្តាលឲ្យរបួសធ្ងន់ត្រង់ភ្នែកខាងឆ្វេងនោះ នៅមិនទាន់ស្វែងរកចាប់ខ្លួនបាននៅឡើយទេ។ នេះបើតាមការបញ្ជាក់ពីសាមីខ្លួនដែលជាជនរងគ្រោះ។

តារាចម្រៀងកញ្ញា កង ឧស្សាហ៍ បានស្នើសុំឱ្យសមត្ថកិច្ចជួយរកយុត្តិធម៌ឱ្យនាងផង ខណ:ខ្លួនបានរងគ្រោះរបួសភ្នែកមួយចំហៀងធ្ងន់ធ្ងរ ដោយសារតែបុរសម្នាក់មកពីក្រោយហើយវាយយកតែម្តង។ នាងថា រឿងនេះកើតឡើងដោយសារទំនាស់ពាក្យសម្តីរវាងស្រីនិងស្រីឈ្លោះគ្នាដែលកើតឡើងថ្ងៃទី ២៤ ខែកុម្ភ: ឆ្នាំ២០២១ ស្ថិតនៅឃុំស្វាយក្រវ៉ាន់ ក្រុងច្បារមន ខេត្តកំពង់ស្ពឺ វេលារម៉ោងប្រមាណ ១០ យប់។ 

កញ្ញា កង ឧស្សាហ៍ បញ្ជាក់ថា ភ្លាមៗក្រោយពេលកើតហេតុនាងបានជម្រាបជូនប៉ុស្តិ៍មូលដ្ឋានក្នុងថ្ងៃកើតហេតុហើយ តែមកដល់ពេលនេះមិនទាន់ចាប់បានជនបង្កនោះទេ ព្រោះនាងមិនដឹងធ្វើយ៉ាងម៉េចទេ ណាមួយមានជីវភាពខ្វះខាត ស្នាក់នៅបន្ទប់ជួលក្នុងសង្កាត់ទឹកកល្អក់ទី៣ ខណ្ឌទួលគោក រាជធានីភ្នំពេញ ដូចនេះមានតែសុំឱ្យបងប្អូនជួយនាងផង ៕

អត្ថបទ៖ ចាន់រ៉ា

ចុចអាន៖ ញាក់សាច់!​ ថ្ងៃសម្ភោធចូលផលិតកម្ម «រាម» មាស សុខសោភា ពាក់គ្រឿងអលង្កាថ្លៃកប់ពពក​

ចុចអាន៖ ដោះស្រាយ​គំនុំ​ចាស់ តារាស្រីម្នាក់ត្រូវគេព្រួតវាយរងរបួសធ្ងន់​