ជីវិតកម្សាន្ដ

ផលិតករខ្មែរ ៖ «វប្បធម៌របស់ខ្ញុំ គឺខ្ញុំមានតួនាទីជាអ្នកចូលរួមចងក្រង និងរៀបចំ អ្នកថា copy គឺជារឿងអ្នក»

បានផុស

១ ម៉ោង មុន

នៅ

ថ្ងៃពុធ ៣ កក្កដា ២០២៤

ដោយ

ឆ្លើយតបចំពោះការចោទប្រកាន់ដដែលជាដដែលពីសំណាក់ភាគីថៃ ពាក់ព័ន្ធរឿង”ប្រវត្តិស្នេហ៍នាងនាថ” ដែលលើកឡើងថា ផលិតករខ្មែរ លួចចម្លងស្នាដៃរបស់ខ្លួននោះ លោក លៀក លីដា អ្នកដឹកនាំសម្តែង និងជាផលិតករភាពយន្ត បានចាត់ទុកថាជាការបំភ្លៃការពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផលិតករភាពយន្តខ្មែររូបនេះ កន្លងមក បានអះអាងថា នៅក្នុងសាច់រឿងរឿង”ប្រវត្តិស្នេហ៍នាងនាថ” គឺបានបញ្ចូលផងដែរនូវវប្បធម៌អរិយធម៌ខ្មែរ។ លោក លៀក លីដា បញ្ជាក់ថា «វប្បធម៌របស់ខ្ញុំ គឺខ្ញុំមានតួនាទីជាអ្នកចូលរួមចងក្រង និងរៀបចំ។ អ្នកដែលថាខ្ញុំ copy គឺជារឿងរបស់អ្នក តែខ្ញុំចងក្រងនូវអ្វីដែលប្រទេសរបស់ខ្ញុំមានគឺជារឿងរបស់ខ្ញុំ»។

ផលិតករភាពយន្តល្បីឈ្មោះរបស់ខ្មែរ លោក លៀក លីដា និយាយទៀតថា «រឿងប្រវត្តិស្នេហ៍នាងនាថវគ្គយុវជនក្រោយសម័យអង្គរគឺជារឿងស្នេហាកំប្លែងដែលយើងបានដាក់បញ្ចូលនូវរសជាតិប្លែកជាមួយនឹងវប្បធម៌របស់ដូនតាខ្មែររបស់យើង។ រឿង”នាងនាថ” មួយនេះ អត់មានខ្មោចទេណា កុំចោទខ្ញុំថា copy»។

បន្ថែមពីនេះ លោក លៀក លីដា បញ្ជាក់ដែរថា «យើងបានអភិវឌ្ឍន៍ និងលើកតម្កើងវប្បធម៌ តាមរយៈការច្នៃប្រឌិតថ្មី ដោយរក្សានូវអត្តសញ្ញាណវប្បធម៌ដូនតាដូចជាក្បាច់គុនបុរាណខ្មែរ ការត្បាញសូត្រ និងខ្លឹមសារ នៃការអប់រំ នៃសន្តិភាព»។

កាលពីថ្មីៗ នេះ លោក លៀក លីដា ក៏បានប្រតិកម្មទៅសារព័ត៌មានរបស់ថៃមួយដែលចោទថា រឿង”ប្រវត្តិស្នេហ៍នាងនាថ” លួចចម្លងរបស់ខ្លួន។

លោក លីដា ភ្លាមៗ នោះ បានឆ្លើយតបដែរថា «រឿងខ្ញុំបានបញ្ចូលទៅដោយវប្បធម៌អរិយធម៌ និងសារអប់រំដ៏ល្អផូរផង់របស់ប្រទេសកម្ពុជា ម្ដេចបានថាដូចរឿងខ្មោចអាឡាក់អាឡែតរបស់អ្នកឯង ទាំងអ្នកឯងមិនទាន់បានមើលរឿងខ្ញុំផង អរគុណសម្រាប់ការតាមដានការងាររបស់ខ្ញុំ»។

លោក លៀក លីដា ក៏ធ្លាប់បានបញ្ជាក់ហើយថា រឿង”ប្រវត្តិស្នេហ៍នាងនាថ” ត្រូវបានចងក្រង និងប្រមូលនូវអ្វីដែលដូនតាខ្មែរបានបន្សល់ទុកឲ្យនៅក្នុងសាច់រឿងនេះទាំងមូលបង្កប់នូវសិល្បៈវប្បធម៌របស់ខ្មែរ ជាពិសេសខ្លឹមសារ នៃការអប់រំ និងតម្លៃ នៃសន្តិភាព៕

អត្ថបទ ៖ ចាន់រ៉ា