ជីវិតកម្សាន្ដ

Seungri បដិសេធនឹងពាក្យគេចោទ គ្រោងបើកក្លឹបថ្មីនៅ ហុងកុង

បានផុស

២៩ វិនាទី មុន

នៅ

ថ្ងៃចន្ទ ១២ សីហា ២០២៤

ដោយ

កាលពីថ្ងៃទី ១១ ខែសីហា Seungri អតីតសមាជិកក្រុម BIGBANG បានឆ្លើយតបទៅនឹងរបាយការណ៍ប្រព័ន្ធផ្សព្វផ្សាយដោយបដិសេធការអះអាងទាក់ទងនឹងក្លឹប Burning Sun និងការបណ្តាក់ទុនអាជីវកម្មនាពេលអនាគតរបស់ខ្លួន។

តារាប្រុសកូរ៉េរូបនេះ បានបដិសេធជាពិសេសទាក់ទិននឹងពាក្យចចាមអារ៉ាមអំពីការជាប់ពាក់ព័ន្ធរបស់ខ្លួន នៅក្នុងព្រឹត្តិការណ៍ឥណ្ឌូនេស៊ីសម្រាប់ក្លឹប Burning Sun ដែលគ្រោងបើកនៅថ្ងៃទី ៣១ ខែសីហា ហើយបានសម្តែងការសោកស្តាយចំពោះការលើកឡើងពី G-Dragon ពីមុន និងប្រើប្រាស់កិត្តិនាមរបស់ Big Bang នៅក្នុងព្រឹត្តិការណ៍ដែលគាត់បានចូលរួម បន្ទាប់ពីការចោទប្រកាន់ពីបទឧក្រិដ្ឋរបស់គាត់។

ទាក់ទងនឹងការលើកឡើងរបស់ G-Dragon នោះ Seungri សារភាពថាបានចូលរួមកម្មវិធីជប់លៀងឯកជននៅក្លឹបមួយក្នុងទីក្រុងភ្នំពេញ ប្រទេសកម្ពុជាកាលពីខែមករា ហើយព្រយលប្រយោគមួយថា “ថ្ងៃណាមួយខ្ញុំនឹងនាំ G-Dragon មកទីនេះ” ក្នុងគោលបំណងធ្វើឲ្យមានការរំភើបនៅហ្វូងមនុស្ស។

ឆ្លុះបញ្ចាំងពីឧប្បត្តិហេតុនេះ គាត់ទទួលស្គាល់ថាខ្លួនពិតជាបានព្រព្រិត្តនូវកំហុសឆ្គងនេះយ៉ាងប្រាកដ ហើយវាបានជាប់នៅក្នុងពេលនេះ ដោយមិនបានដោះស្រាយដោយសមរម្យ។ វាជាកំហុសធ្ងន់មួយ ហើយវានឹងមិនកើតឡើងម្តងទៀតទេ ។

ដោយឡែក នៅក្នុងបទសម្ភាសន៍ជាមួយ Ilgan Sports Seungri ក៏បានបដិសេធដោយផ្ទាល់នូវរបាយការណ៍ដែលថាគាត់កំពុងរៀបចំបើកក្លឹបនៅហុងកុងដែរ។

Seungri បានបដិសេធយ៉ាងតឹងត្អឹងថា «តើវាសមហេតុផលសម្រាប់ខ្ញុំក្នុងការចូលរួមក្នុងក្លឹបម្តងទៀតទេ? ខ្ញុំមិនដែលមានគម្រោងវាទេ ហើយក៏មិនបាននិយាយប្រាប់អ្នកណាដែរ។ ខ្ញុំសង្ស័យថាពាក្យចចាមអារ៉ាមទាំងនេះកំពុងត្រូវបានគេកេងប្រវ័ញ្ចបន្ថែមទៀតនៅឯបរទេស»។

ទោះយ៉ាងណាក៏ដោយអតីតសមាជិកក្រុម BIGBANG នឹងចាត់វិធានការផ្លូវច្បាប់ប្រឆាំងនឹងការអះអាងនៃការបង្ហាញខ្លួនក្លឹប Burning Sun របស់ឥណ្ឌូនេស៊ី ព្រមជាមួយនឹងការសុំទោសចំពោះការប្រើប្រាស់កេរ្តិ៍ឈ្មោះរបស់ Big Bang ក្រោយការចោទប្រកាន់ពីបទឧក្រិដ្ឋនាពេលកន្លងមក៕