ជីវិតកម្សាន្ដ
សារព័ត៌មានកូរ៉េផ្សាយព្រោងព្រាតថា Seungri ត្រៀមបេីកក្លឹបនៅ កម្ពុជា ខណៈ BBC ទើបទម្លាយឃ្លិបរឿងអាស្រូវ
យោងតាមសារព័ត៌មានរបស់ប្រទេសកូរ៉េ Koreaboo និង All kpop កាលពីថ្ងៃទី២៤ ខែឧសភា បានចុះផ្សាយថា Seungri អតីតសមាជិកក្រុម BIGBANG កំពុងរៀបចំត្រៀមបើកក្លឹបមួយនៅកម្ពុជា ស្របពេល កាលពីពេលថ្មីៗនេះ BBC ទើបទម្លាយនូវឃ្លិបរឿងអាស្រូវដែលបានប្រើហឹង្សាលើស្រ្តីម្នាក់យ៉ាងដំណំ។ នៅក្នុងវីដេអូមានរយៈពេលជាង ១ម៉ោង ប្រព័ន្ធផ្សព្វផ្សាយអន្តរជាតិបានហៅពេលដែល Seungri បង្ហាញខ្លួននៅក្នុងពិធីជប់លៀងថា ជាឈុតឆាកដ៏គួរឲ្យភ័យខ្លាចពីភាពយន្តឯកសារមួយនោះ។
តាមប្រភពជិតស្និទ្ធបានបញ្ចាក់ថា រូបលោកបានបញ្ចប់ការធានាការវិនិយោគរួចរាល់អស់ហើយ។ ចំណែកឯការបើកក្លឹបនឹងជាលើកទីពីរជាមួយនឹងឧស្សាហកម្មនេះ ហើយពីមុនគាត់បានបើកក្លឹបមួយដែលមានឈ្មោះថា Burning Sun ធ្លាប់ជាប់ពាក់ព័ន្ធក្នុងសកម្មភាពខុសច្បាប់ ដូចជាពេស្យាចារ និងការប្រើប្រាស់គ្រឿងញៀន។
ជាក់ស្ដែងកាលពីកន្លងមក អតីតសមាជិកក្រុម BIGBANG រូបនេះក៏ធ្លាប់ត្រូវបានគេរាយការណ៍ថា បានរៀបចំខ្លួនដើម្បីវិលត្រឡប់មកកាន់មុខជំនួញវិញ។ គាត់ត្រូវបានគេប្រទះឃើញដើរលេងជាមួយបុគ្គលល្បីៗក្នុងសង្គមជាមួយភាគីពាក់ព័ន្ធក្នុងទីក្រុងហុងកុង ដែលនាំឲ្យអ្នកលេងអ៊ីនធឺណិតនៅទីនោះស្មានថា គាត់នឹងបើកក្លឹបរាត្រីនៅទីនោះឆាប់ៗនេះ។
អ្នកលេងអ៊ីនធឺណិតម្នាក់បានបញ្ចេញមតិថា “គាត់កំពុងទំនាក់ទំនងជាមួយថៅកែអ្នកលក់គ្រឿងស្រវឹង និងក្លឹបរាត្រី។ វាហាក់ដូចជាទាក់ទងនឹងអាជីវកម្ម ក្នុងនោះគេឃើញមានស្ត្រីជាច្រើនដែលវះកាត់កែសម្ផស្ស និងអ្នកជីកមាសព្យាយាមនិយាយជាមួយគាត់”។
ស្របពេលដែលមហាជនមានការភ្ញាក់ផ្អើលថា ដំណឹងនៃការបើកក្លឹបរបស់លោកនៅកម្ពុជា នឹងធ្វើឲ្យអ្នកគាំទ្រចាប់អារម្មណ៍មុនគេ ប៉ុន្តែក៏មិនមែនជារឿងថ្មីសម្រាប់ទីផ្សារនោះទេ។ កន្លងមកលោកបានទៅចូលរួមកម្មវិធីជួបជុំអ្នកគាំទ្រនៅប្រទេសកម្ពុជា ហើយថែមទាំងសន្យាថា នឹងនាំ G-DRAGON មកជាមួយថែមទៀតផង ។
ឆ្លើយតបនឹងបញ្ហានេះ អ្នកលេងអ៊ីនធឺណិតកូរ៉េមានការខឹងសម្បារយ៉ាងខ្លាំង ហើយបញ្ចេញមតិដោយហ៊ានភ្នាល់ថា Seungri នឹងមានពិធីជប់លៀងគ្រឿងញៀននៅទីនោះផងដែរ។ ជាមួយគ្នានេះដែរអ្នកផ្សេងទៀតក៏មានការមិនពេញចិត្តនៅពេលឮដំណឹងថា តារាចម្រៀងសំបូររឿងអាស្រូវផ្លូវភេទរូបនេះថ្លើមធំ ហើយនៅមានគម្រោងបើកក្លឹបម្ដងទៀត ទាំងខ្លួនធ្លាប់ប្រព្រិត្តឹខុសលើមនុស្សស្រីជាច្រើន កាលនៅក្លឹប Burning Sun។
ទោះយ៉ាងណាក៏ដោយ ដំណឹងនៃការត្រៀមបើកក្លឹបកម្សាន្តក្នុងប្រទេសកម្ពុជា គ្រាន់តែជាការចុះផ្សាយពីសំណាក់សារព័ត៌មានល្បីៗប្រចាំប្រទេសកូរ៉េខាងត្បូងតែប៉ុណ្ណោះ។ រឿងរ៉ាវជាក់ស្ដែងយ៉ាងណា ទស្សនិកមានតែរង់ចាំតាមដានបន្តថាតើអតីតសមាជិកក្រុម BIGBANG រូបនេះ នឹងបើកក្លឹបពិតមែន ឬគ្រាន់តែជាពាក្យចចាមអារ៉ាម។
សូមរលឹកដែរថា រឿងអាស្រូវ The Burning Sun គឺជារឿងដ៏ធំមួយដែលបានអង្រួនឧស្សាហកម្ម K-Pop ។ Whistle-blowers បានរាយការណ៍ពីសកម្មភាពខុសច្បាប់ រួមមានការសេពគ្រឿងញៀន ការថតវីដេអូខុសច្បាប់ និងការរំលោភផ្លូវភេទ ព្រមទាំងការជជែកជាក្រុមដ៏ល្បីដែលមាន Seungri និងមិត្តភក្តិតារាផ្សេងទៀត។ ការជជែកជាក្រុមបានចែករំលែកការថតដោយខុសច្បាប់នូវខ្លឹមសារអាសអាភាស និងជាមធ្យោបាយមួយសម្រាប់ Seungri ក្នុងការគ្រប់គ្រង និងសម្រួលដល់ពេស្យាចារ។ នៅឆ្នាំ ២០២០ អតីតសមាជិកក្រុម BIGBANG រូបនេះ បានសារភាពកំហុសក្នុងការសម្របសម្រួលពេស្យាចារ ការថតភាពយន្តខុសច្បាប់ ការលេងល្បែងស៊ីសងជាទម្លាប់ និងអ្វីៗជាច្រើនទៀត។ គាត់ត្រូវបានកាត់ទោសឲ្យជាប់គុកមួយឆ្នាំកន្លះតែប៉ុណ្ណោះ។ ក្រោយចេញពីពន្ធធនាគារ ទស្សនិកជនកូរ៉េបានបង្ហាញពីការមិនពេញចិត្តដែលជាប់ទោសស្រាលពេក ហើយពួកគេក៏មិនស្វាគមន៍ការវិលមកកាន់អាជីពកម្សាន្តមួយនេះទៀតដែរ៕
អត្ថបទ៖ សាង ស្រីល័ក្ខ
ចុចអាន៖អ្នកគាំទ្រលែងចាត់ទុក Seungri ជា Idol ក្រោយ BBC ទម្លាយឃ្លិបហឹង្សាលើស្ត្រី កាលប៉ុន្មានឆ្នាំមុន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៥ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ