សមាជិក Blackpink ទាំង៤រូប រកប្រាក់បានច្រើនជាងគេ ពីរូបថតមួយសន្លឹកក្នុង Instagram

ការវិភាគបានបង្ហាញថា តារា K-pop ដូចជា Lisa និង Jennie សមាជិកក្រុម Blackpink កំពុងទទួលបានប្រាក់ចំណេញយ៉ាងច្រើនពីការបង្ហោះដែលពួកគេបង្ហោះនៅលើគណនីសង្គមរបស់ពួកគេ។

ថ្មីៗនេះ ក្រុមហ៊ុនវិភាគទិន្នន័យរបស់ចក្រភពអង់គ្លេស Hopper HQ បានចេញផ្សាយ បញ្ជីអ្នកមាន Instagram ឆ្នាំ ២០២៤ ហើយបានប៉ាន់ប្រមាណថា តើតារាល្បីៗជុំវិញពិភពលោកអាចទទួលបានប្រាក់ប៉ុន្មានក្នុងការបង្ហោះ Instagram ។

Lisa ជាប់ចំណាត់ថ្នាក់លេខ ២៩ ក្នុងបញ្ជី។ Hopper HQ បានព្យាករណ៍ថា Lisa ដែលមានអ្នកតាមដានច្រើនជាង ១០៣លាននាក់នឹងរកបាន ៦២៣,០០០ ដុល្លារ ក្នុងមួយប្រកាស។ ចំណែក Jennie ដែលមានអ្នកតាមដាន ៨៥ លាននាក់ ជាប់ចំណាត់ថ្នាក់ទី ៣៦ ។ Jennie ត្រូវ​បាន​គេ​ប៉ាន់​ស្មាន​ថា​អាច​រក​ចំណូល​បាន​រហូត​ដល់ ៥១១,០០០ ដុល្លារ ក្នុង​ការប្រកាសម្ដង។

ដោយឡែកងាកទៅកាន់ Jisoo ជាប់ចំណាត់ថ្នាក់ទី ៤០ ជាមួយនឹង ៤៧៤,០០០ ហើយ Rosé ជាប់ចំណាត់ថ្នាក់ទី ៤២ ជាមួយនឹង ៤៧២,០០០ ។

លើសពីនេះ Jin សមាជិកក្រុម BTS ជាប់ចំណាត់ថ្នាក់ទី ៦៨ ជាមួយនឹង ២៩២,០០០ ខណៈដែល RM ជាប់ចំណាត់ថ្នាក់ទី ៧១ ជាមួយនឹង ២៨០,០០០ និង Cha Eun-woo សមាជិកក្រុម Astro ជាប់ចំណាត់ថ្នាក់ទី ៧២ជាមួយនឹង ២៧៤,០០០ តារាសម្តែង Lee Min-ho ជាប់ចំណាត់ថ្នាក់ទី៨៨ ហើយត្រូវបានគេរំពឹងថានឹងរកបាន ២១១,០០០ដុល្លារ ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ដោយសារសម្រស់ស្អាតដាច់គេ ពេញមួយជីវិតតួឯកស្រីរឿង “ស្ដេច​កំប្លែង​ទិនហ្វី” គ្មានមិត្តសូម្បីម្នាក់