២ថ្ងៃ ផលិតកម្មហង្សមាសមានបុគ្គលិកសំខាន់ៗ ៧ រូប ឆ្លងកូវីដ

ក្រោយអ្នក​នាង  កែវ ច័ន្ទនិមល រកឃើញឆ្លងកូវីដ-១៩ កាលពីយប់ថ្ងៃទី ៨ មីនា តារាចម្រៀងនិងបុគ្កលិកដទៃទៀតប្រចាំផលិតកម្មហង្សមាសដែលមានការសង្ស័យ​ធ្លាប់​បា​ន​​​ប៉ះ​​ពាល់ផ្ទាល់ឬប្រយោលជាមួយពិធីការិនីរូបនេះ បានតេស្តវិជ្ជមានកូវីដ១៩ បន្តបន្ទាប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយគិតមកដល់ថ្ងៃនេះ រយៈពេល ២ថ្ងៃមកហើយដែលបុគ្គលិកសំខាន់ៗនៅក្នុងផលិតកម្ម រកឃើញ​ថាបានឆ្លងវីរុស​កូវី​ដ-១៩។ ក្នុងនោះរួមមាន ពិធីការិនី កែវ ច័ន្ទនិមលនិងគ្រួសារ តារាចម្រៀងលោក ណុប ប៉ាយ៉ារិទ្ធ តារាចម្រៀងអ្នកនាង សុគន្ធ នីសា តារាចម្រៀង កញ្ញា វី ឌីណែត អ្នកដឹកនាំលោក ទីតូ។

បន្ថែមពីលើសិល្បករទាំង៥រូប មានបុគ្គលពីររូបទៀតគឺ ស្រី​ខួច និងគ្រូភ្លេងលោក សាន់ សុវណ្ណឌីន។ នេះបើប្រភពពីបណ្ដាញសង្គមហ្វេសប៊ុករបស់តារាចម្រៀង ចំរើន សុភ័ក្រ ដែលបានបង្ហោះកាលពីប៉ុន្មានម៉ោងមុន។

ដោយឡែកតារាប្រុសស្រីផ្សេងៗរួមមាន លោក ឆន សុវណ្ណរាជ តេស្តអវិជ្ជមាន រីឯអ្នកនាង ឱក សុគន្ធកញ្ញា កំបុងតាមដានសុខភាព។ ក្រៅពីនោះ បុគ្គលិករាប់រយនាក់ទៀតដែលមានការពាក់ព័ន្ធកំពុងរង់ចាំលទ្ធផលតេស្ត និងធ្វើចត្តាឡីស័ក៕

អត្ថបទ៖ សន្យា