សុខភាពផ្លូវចិត្ត Justin កាន់តែយ៉ាប់យ៉ឺន ក្រោយ​ជាប់​ពាក់​ព័ន្ធ​នឹង​រឿង​អាស្រូវ​ផ្លូវ​ភេទរបស់ Diddy

បន្ទាប់ពីត្រូវបានលាក់ទុកជាច្រើនឆ្នាំមក ឧក្រិដ្ឋកម្មផ្លូវភេទដ៏គួរឲ្យរន្ធត់របស់តារារ៉េប Diddy និងការជួញដូរពេស្យាចារត្រូវបានបំភ្លឺ។ ដ្បិតថា លទ្ធផលនៅក្នុងតុលាការមិនច្បាស់លាស់ ប៉ុន្តែនាពេលខាងមុខ តារាជាច្រើនមានកេរ្តិ៍ឈ្មោះអាក្រក់ អាជីព និងជីវិតត្រូវរងឥទ្ធិពល ព្រោះតែការរួមរស់ជាមួយតារារ៉េបម្នាក់នេះ។

ចំណែក​ឯសិល្បករ​មួយ​រូប​ដែល​ទទួល​រង​ផល​អវិជ្ជមាន​ខ្លាំង​បំផុតក្នុងទំនាក់​ទំនង​​ជាមួយ​នឹង​ Diddy គឺ​ Justin Bieber។ តារា​ចម្រៀង​ប្រុស​ត្រូវ​បាន​គេ​និយាយ​ថា​ជា​ជន​រង​គ្រោះ​នៃ​ការ​បំពាន​ដោយ​តារារ៉េបម្នាក់​នេះ​តាំង​ពី​ក្មេង។ ការ​សង្ស័យ​ខាង​លើ​បាន​ធ្វើ​ឲ្យតារា​ចម្រៀង​កើត​ឆ្នាំ ១៩៩៤ ត្រូវ​បាន​គេ​ហៅ​ឈ្មោះពេញ​សារព័ត៌មាន និង​បណ្ដាញ​សង្គម។ បើ​ទោះ​បី​ជា​មាន​ការ​រំពឹង​ទុក​ក៏​តារា​ចម្រៀង​ប្រុស​រូប​នេះ​នៅ​តែ​មិន​ចេញ​មុខបកស្រាយលម្អិតដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា កាលពីថ្ងៃទី ០៦ ខែតុលា ទំព័រ Six បានចេញផ្សាយរូបថតចុងក្រោយរបស់ Justin Bieber​ ដោយត្រូវបានគេឃើញនៅខាងក្រៅសណ្ឋាគារប្រណីតមួយក្នុងទីក្រុង Los Angeles (សហរដ្ឋអាមេរិក)។ លើក​នេះ Justin ទៅ​តែ​ម្នាក់​ឯង ដោយ​មិន​មាន​ភរិយា Hailey ទៅ​ជាមួយ​ឡើយ។ ប៉ុន្តែអារម្មណ៍របស់លោកគឺមានសភាពមិនល្អប្រសើរឡើយ។ ក្នុងនោះគេសង្កេតឃើញទឹកមុខក្រៀមក្រំ ស្ងាត់ស្ងៀម ហើយគិតក្នុងឡានជាយូរ មុននឹងបើកឡានចេញទៅ។ នៅលើបណ្ដាញសង្គម ទស្សនិកជនជាច្រើនជឿថា Justin បង្ហាញយ៉ាងច្បាស់ពីសញ្ញានៃការប៉ះពាល់ផ្លូវចិត្ត ដោយសារតែគាត់ត្រូវបានអូសទាញជាប់ជានិច្ចក្នុងសំណុំរឿងផ្លូវភេទធ្ងន់ធ្ងររបស់ Diddy ។

កាលពីមុននៅថ្ងៃទី ០៥ ខែតុលា ការសន្ទនារបស់ Diddy និង Justin នៅលើ Jimmy Kimmel Live ក្នុងឆ្នាំ ២០១១ ក៏ត្រូវបានចាក់ផ្សាយឡើងវិញផងដែរ។ មនុស្សកំពុងពិភាក្សារឿង Diddy ព្រមានជាសាធារណៈ និងហាម Justin បង្ហាញពីអ្វីដែលពួកគេបានធ្វើក្នុងអំឡុងពេល ៤៨ ម៉ោងដែលពួកគេនៅជាមួយគ្នា។ នេះ​ជា​ហេតុ​ធ្វើ​ឲ្យមាន​ការ​សង្ស័យ​ថាតារាចម្រៀងកាណាដា ត្រូវ Diddy ធ្វើ​បាប​ ហើយនោះបានធ្វើឲ្យ​មហាជន​ផ្ទុះ​កំហឹង​ជា​ថ្មី​ម្តង​ទៀត។

បន្ទាប់ពី Diddy ត្រូវបានចាប់ខ្លួន ប្រភពជិតស្និទ្ធបាននិយាយថា Justin បានព្យាយាមអស់ពីសមត្ថភាពដើម្បីការពារពាក្យចចាមអារ៉ាមអាក្រក់ និងផ្តោតលើការធ្វើជាឪពុកគេតែប៉ុណ្ណោះ។ យ៉ាង​ណា​អ្នក​ជិត​ស្និទ្ធ​បារម្ភ​ថា​តារា​ចម្រៀង​ប្រុស​រូប​នេះ​កាន់​តែ​មាន​សម្ពាធ​ខ្លាំង​ឡើង​ៗ។ Justin មានអារម្មណ៍ថា គ្មាននរណាម្នាក់អាចយល់ពីគាត់គ្រប់គ្រាន់ដើម្បីនិយាយអំពីអ្វីគ្រប់យ៉ាងនោះទេ។ និយាយតាមត្រង់ទៅ គាត់ក៏មិនទាន់យល់ច្បាស់ពីខ្លួនឯងដែរ។

ប្រភពនេះបានបន្ថែមថា Justin Bieber ក៏ស្ថិតក្នុងវិបត្តិដែរ ព្រោះគាត់មិនដឹងថាត្រូវធ្វើជាឪពុកល្អម្នាក់ទេ ព្រោះគាត់គ្មានគំរូសម្រាប់មើល។ ឪពុករបស់ Justin ចាកចេញកាលពីនៅក្មេង លោក Jeremy Bieber មិនមែនជាគំរូល្អទេ។Justin តានតឹងខ្លាំងណាស់ គាត់មានកូនប្រុសម្នាក់ ហើយកំពុងព្យាយាមធ្វើជាឪពុកដ៏ល្អ ខណៈគ្មានតួនាទីជាគំរូ អ្វី​ដែលអាចធ្វើបាននាពេលនោះគឺមានតែទ្រាំឲ្យព័ត៌មានអាក្រក់រសាយបាត់ ហើយផ្ដោតលើគោលដៅធ្វើជាឪពុក​ល្អ​ម្នាក់ប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖Jennifer Aniston ស្រាយចចាមអារ៉ាមពាក់ព័ន្ធស្នេហា ជាមួយលោក Obama