ក្រុមការងារ MGI ធ្វើការទាំងសម្ពាធតាំងពីពេលមកដល់កម្ពុជារហូតត្រឡប់ទៅថៃវិញ

ក្រុមការងារ Miss Grand International បានបញ្ជាក់ថា ពួកគេមានអារម្មណ៍ថាសម្ពាធចាប់តាំងពីវិនាទីដំបូងពេលដល់ប្រទេសកម្ពុជារហូតត្រឡប់មកប្រទេសថៃខ្លូនវិញ។ នេះបើតាម Story របស់ម្ចាស់ MGI លោក Nawat Itsaragrisil។

តាមរយៈ Story របស់ម្ចាស់ Miss Grand International លោក Nawat បានបង្ហាញពីទិដ្ឋភាពយំយែករបស់ក្រុមការងារខ្លួនឱបបវរកញ្ញាតំណាងប្រទេសថៃបូករួមជាមួយខេបសិនថា”ពួកគេ​មានសម្ពាធចាប់តាំងពីវិនាទីដំបូងពេលដល់ប្រទេសកម្ពុជារហូតត្រឡប់មកប្រទេសថៃខ្លូនវិញ”។ លើសពីនោះទៀត Story របស់លោក Nawat Itsaragrisil មួយផ្សេងទៀតបាននិយាយថា “ចូលមើលពីសភាពរបស់ពួកយើង ថាយើងបានជួបអ្វីខ្លះ លើកក្រោយកុំឆាប់ជឿទុកចិត្តមនុស្ស និងត្រូវចេះរៀនប្រយ័ត្នប្រយែង”។ ទាំងអស់នេះ គឺបានទម្លាយក្រោយលោក Nawat ដកសិទ្ធិធ្វើជាម្ចាស់ផ្ទះពីកម្ពុជាក្រោមហេតុផលមិនត្រឹមត្រូវតាមស្ដង់ដាកម្មវិធី។

ក្រោយមានហេតុការណ៍ចម្រូងចម្រាសរវាងកម្ពុជានិងថៃរួចមក ប្រទេសទាំងសងខាងនឹងត្រៀមធ្វើសន្និសីទកាសែតដូចគ្នា ដើម្បីធ្វើការបកស្រាយអំពីហេតុផលរៀងៗខ្លួន៕