នាយ ក្រិន ប្រាប់អ្នកគាំទ្រកុំឲ្យយល់ច្រឡំ ខណៈមានអ្នកលួចបង្កើត Page បន្លំឈ្មោះខ្លួនច្រើន

តារាកំប្លែងមាឌល្អិតកម្សត់ស្នេហ៍នាយ ក្រិន បានបង្ហាញការហួសចិត្តជាខ្លាំងខណ:មានជនអនាមិក ឆ្លៀតឱកាសកេងផលប្រយោជន៍ផ្ទាល់ខ្លួន ដោយលួចបង្កើត Facebook Page និង TikTok ក្លែងបន្លំជាឈ្មោះរបស់លោក ដើម្បីធ្វើរឿងផ្សេងៗជាដើម។

ក្រៅពីការបង្ហាញអារម្មណ៍ហួសចិត្ត តារាកំប្លែងរូបនេះ បានប្រាប់ដល់អ្នកគាំទ្រនិងអ្នកស្គាល់គ្នា ត្រូវមានការប្រុងប្រយ័ត្នផងដែរ ចំពោះករណីនេះ ព្រោះ TikTok របស់ខ្លួន ទើបតែបង្កើតបាន ១ថ្ងៃប៉ុណ្ណោះ។ តារាកំប្លែងនាយ ក្រិន បន្តទៀតថា Tik Tok របស់ខ្លួន បានបង្កើតនៅថ្ងៃទី១៨ ខែតុលា ឆ្នាំ២០២៤ ដូច្នេះគប្បីប្រុងប្រយ័ត្ន ហើយបើមានការងារអ្វី អាចទាក់ទងតាមរយ:ផេកលោកផ្ទាល់ គឺ នាយក្រិន បាត់ដំបង ។

បន្ទាប់បាត់វត្តមានពីសិល្ប:មួយរយ:ធំកន្លងទៅនេះស្រាប់តែតារាកំប្លែងមាឌល្អិតកម្សត់ស្នេហ៍នាយក្រិន កាលពីថ្មីៗនេះបានបញ្ជាក់ថាបច្ចុប្បន្នលោកកំពុងរ ស់នៅជាមួយកូនៗទាំង៣នាក់ឯស្រុកកំណើតនាខេ ត្តបាត់ដំបង។ យ៉ាងណាមិញមុននេះដែរនាយ ក្រិន ទើបតែទទួលបានឱកាសក្លាយជាBAផលិតផលរប ស់អ្នកនាង ស្រីអូនក្រោយមានដំណឹងនៃការផុតខ្លួនក្នុងបំណុលជិត១០ដុល្លារ។

ដោយឡែកតាមរយ:ការផ្តល់សម្ភាសន៍ប្រាប់” កម្ពុជាថ្មី”កាលពីពេលកន្លងទៅតារាកំប្លែងនាយ ក្រិន បានឲ្យដឹងថាលោកនឹងកូនៗទាំង៣សព្វថ្ងៃគឺមានសុខទុ ក្ខជាធម្មតាប៉ុន្តែអ្វីដែលនាយជួបការលំបាកពេលនេះដោយសារនៅជាប់ជំពាក់បំណុលធនាគាររាប់សិបម៉ឺនដុល្លារ ដែលតម្រូវឲ្យរូបលោកត្រូវបង្ខំចិត្តប្រកាសដាក់លក់ដី និងផ្ទះនៅឯស្រុកកំណើតខេត្តបាត់ដំបងដើម្បីយកលុយមកដោះបំណុលដែលនៅជំពាក់គេ។

នាយ ក្រិន បានលើកឡើងទៀតថា មូលហេតុដែលនាំឲ្យលោកជំពាក់លុយធនាគារដោយសារការរកស៊ីខា តកាលពីមុនៗពោលគឺការបើកហាងនៅភ្នំពេញដូច្នេះទើបគ្រានោះបានយកប្លង់ដីឬប្លងផ្ទះដើម្បីដាក់បញ្ចាំយកលុយមកធ្វើទុនពង្រឹងមុខរបរប៉ុន្តែពេលនោះដែរគឺមុខរបរនៃការរកស៊ីមិនអំណោយផលគឺចេះតែខាតធ្វើឲ្យបំណុលក៏កាន់តែកើនពីកន្លងមួយទៅកន្លែងមួ យដូច្នេះហើយរាល់ថ្ងៃធ្វើឲ្យលោកជួបការលំបាករក លុយដោះបំណុលទាំងនោះ៕ អត្ថបទ៖ ចាន់រ៉ា