តារាថៃល្បីៗ ៤គូ ត្រៀមចូលរោងការនៅដើមឆ្នាំថ្មីនេះ

ដូចដែលប្រិយមិត្តដឹងស្រាប់ហើយថា ក្នុងឆ្នាំ២០២៤នេះ តារាថៃប៉ុន្មានគូបានរៀបការជាមួយគ្នា កសាងអនាគត់ ហើយក៏មានគូស្នេហ៍ប៉ុន្មានគូទៀត ដែលជាអ្នកបន្ទាប់ដែលនឹងដឹកដៃគ្នាចូលរោងការផងដែរ។ នៅក្នុងនោះ គេចាប់អារម្មណ៍ តារាប្រុសស្រី៤គូ ដែលពួកគេបានលុតជង្គង់សុំកូនក្រមុំបំពាក់ចិញ្ចៀន ធ្វើជាដៃគូជីវិតកាលពីថ្មីៗកន្លងទៅនេះ។

តារាសម្ដែងប្រុសដ៏ល្បីល្បាញ Alex Rendell ត្រូវបានគេដឹងថា ជាគូដំបូងដែលនឹងប្រារព្ធពិធីអាពាហ៍ពិពាហ៍នៅដើមឆ្នាំ២០២៥នេះ ដោយរូបលោកបានបង្ហោះរូបភាព Pre-Wedding ជាមួយនឹងកូនកក្រមុំដ៏ស្រស់ស្អាត កាលពីខែតុលាកន្លងទៅនេះ។

គូបន្ទាប់ទៀតដែលគេរំពឹងទុកគឺ Nadech និង Yaya ដោយពួកគេគឺជាគូស្នេហ៍ស្រឡាញ់គ្នារាប់ឆ្នាំមកហើយ តាំងពីចូលសិល្បៈដំបូងមកម្ល៉េះ ហើយមិត្តជិតស្និទរបស់ពួកគេក៏ទើបតែបានរៀបការរួចទៀត ដូចនេះ អ្នកបន្ទាប់ប្រាកដជា Yaya Urassaya នេះឯង។

ចំណែកឯ តួឯកប្រុសរូបសង្ហារ James Jirayu វិញ ទើបតែបានធ្វើឲ្យមហាជនភ្ញាក់ផ្អើលជាមួយនឹងព័ត៌មានសុំរៀបការជាមួយនឹងមិត្តស្រីក្រៅរង្វង់សិល្បៈ។ អ្នកគាំទ្រទាយថា មិនយូរនោះទេ James នឹងនាំកូនក្រមុំរបស់ខ្លួន រៀបការតាមប្រពៃណីជាមិនខាន។

ចំពោះគូចុងក្រោយនេះ Mew Suppasit បានលុតជង្គង់សុំកូនកម្លោះ Tul Pakorn រៀបការលើឆាក មុខភ្នែកមហាជនរាប់រយនាក់ បានធ្វើឲ្យផ្ទុះការភ្ញាក់ផ្អើលពេញបណ្ដាញសង្គម ហើយពួកគេគឺជាគូស្នេហ៍ ស្រឡាញ់ភេទដូចគ្នា ដែលអ្នកគាំទ្រមានសង្ឃឹមយ៉ាងខ្លាំងថា នឹងបានឃើញមង្គលការជាលក្ខណៈសាធារណៈ៕

Mew និង Tul