វាសនា តារា Kpop មិនដូចគ្នា ក្រុមជំនាន់ទី៤នេះ ទើបនឹងចេញចម្រៀងបានប៉ុន្មានខែ ក៏បំបែកក្រុមបាត់

កាលពីថ្មីៗនេះ ផលិតកម្ម BY-U Entertainment បានប្រកាសអំពីការបំបែកក្រុម Beauty Box ដែលដំណឹងនេះ ធ្វើឲ្យអ្នកគាំទ្រភ្ញាក់ផ្អើលជាខ្លាំង។ ក្រុមនារីនេះ ដើមឡើយមានសមាជិក៦នាក់ ហើយពួកគេបានបង្ហាញខ្លួននៅក្នុងវិស័យ K-Pop កាលពីឆ្នាំ២០២១ នៅក្រោមដំបូលផលិតកម្មតូចមួយ។

ជាមួយគ្នានេះដែរ ក្រុម Beauty Box ទើបនឹងត្រឡប់មកវិញ ជាមួយនឹងសមាជិក៤នាក់ ចេញ Mini Album កាលពីខែមិថុនា ប៉ុន្មានខែកន្លងទៅនេះ។ ដោយឡែក ផលិតកម្មបានប្រកាសនៅថ្ងៃទី០២ ធ្នូ​ ថា Beauty Box មិនបន្ដសកម្មភាពក្រុមទៀតនោះទេ ដែលមានន័យថា បំបែកក្រុម ដើរផ្លូវរៀងៗខ្លួន។

នៅក្នុងនោះ គេក៏បានបញ្ជាក់ហេតុផលច្បាស់ៗថា គេបានសម្រេចចិត្តផ្ដាច់កុងត្រា ដោយសារតែសមាជិក៣នាក់ ក្នុងចំណោមនោះ ដែលមានដូចជា Gahyeon, Sori, និង Chaeun មិនចង់បន្ដសកម្មភាពក្នុងក្រុម តទៅទៀត ហើយក៏បានពិភាក្សារគ្នា ព្រមព្រៀងសម្រេចថា នឹងបំបែកក្រុមតែម្ដង ដែលដំណឹងនេះ ជាដំណឹងដ៏សោកសៅមួយរបស់អ្នកគាំទ្រ។

យ៉ាងណាមិញ  Via ដែលជាសមាជិកតែម្នាក់ ដែលសម្រេចចិត្តនៅតែបន្ដកុងត្រា ក៏នៅតែបន្ដជាសិល្បករនៅក្រោមផលិតកម្ម BY-U Entertainment ដ៏ដែល ហើយគេក៏មានគម្រោងនៅថ្ងៃអនាគត ដើម្បីបញ្ចេញសមិទ្ធផលសម្រាប់អ្នកគាំទ្រផងដែរ៕