ជីវិតកម្សាន្ដ

Selena និងគូដណ្តឹង ទិញវិមានតម្លៃ ៣៥ លានដុល្លារ ទុកជាចំណងដៃមុនរៀបការ

បានផុស

១ year មុន

នៅ

ថ្ងៃព្រហស្បតិ៍ ២០ កុម្ភៈ ២០២៥

ដោយ

យោងតាមកាសែត NY Post កាលពីថ្ងៃទី ១៩ ខែកុម្ភៈ Selena Gomez និង Benny Blanco បានទិញអចលនទ្រព្យកាលពីចុងឆ្នាំមុន ប៉ុន្មានថ្ងៃមុនការប្រកាសភ្ជាប់ពាក្យរបស់ពួកគេ។ នេះគឺជាកិច្ចព្រមព្រៀងដ៏ថ្លៃបំផុតមួយនៅ Beverly Hills ក្នុងឆ្នាំ ២០២៤។ វិមានបែបអេស្ប៉ាញមានបន្ទប់គេង ៧ បន្ទប់ទឹក ១២ អាងហែលទឹក ស្ប៉ា និងរោងកុន។ ផ្ទះនេះក៏មានជណ្តើរវង់ធំមួយ បណ្ណាល័យឈើ កន្លែងហាត់ប្រាណ កន្លែងអភិរក្ស និងបន្ទប់លេងជាច្រើនដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិមាននេះមានទីតាំងនៅលើដីឡូតិ៍ដ៏កម្រនៃទំហំប្រហែល ៤ ០៤៧ ម៉ែត្រការ៉េ ជាមួយនឹងច្រកទ្វារមួយស្ថិតនៅលើផ្លូវ ចង់បានបំផុត នៅក្នុងតំបន់លំនៅដ្ឋាន Beverly Hills Flats ។ ផ្ទះនេះត្រូវបានគេពណ៌នាថាជាស្នាដៃពិត ដោយរួមបញ្ចូលលក្ខណៈបុរាណជាមួយនឹងបរិក្ខារទំនើបៗ។

យ៉ាងណា ផ្ទះថ្មីរបស់ Selena និង Benny ធ្លាប់ជាផ្ទះចាស់របស់នាយក Joker Todd Phillips ។ ក្នុងឆ្នាំ ២០១២ Phillips បានចំណាយ ១៧ លានដុល្លារ ដើម្បីទិញវីឡាពីប្រធានក្រុមហ៊ុន Paradigm Talent Agency លោក Sam Gores ។ ប្រាំបួនឆ្នាំក្រោយមកគាត់បានលក់វាក្នុងតម្លៃ ៣១ លានដុល្លារ មុនពេល គូស្នេហ៍តារាទិញផ្ទះមួយនេះ ទ្រព្យសម្បត្តិទាំងនោះក៏ជាកម្មសិទ្ធិរបស់ម្ចាស់ផ្សេងទៀតដែលមិនស្គាល់។

យោងតាម Page Six បានឲ្យដឹងថា Selena បានទិញ និងលក់អចលនទ្រព្យជាច្រើនឆ្នាំមកនេះ។ ទាំងនេះរួមមានផ្ទះទំហំ ១ពាន់ហ្វីតការ៉េនៅរដ្ឋតិចសាស់ បឹងហ្គាឡូរចនាប័ទ្មមេឌីទែរ៉ាណេ និងផ្ទះនៅរដ្ឋកាលីហ្វ័រញ៉ា។ ក្នុងឆ្នាំ ២០២០ នាងបានទិញផ្ទះមួយដែលធ្លាប់ជាកម្មសិទ្ធិរបស់តារាចម្រៀង Tom Petty ក្នុងតម្លៃ ៤.៩លានដុល្លារដើម្បីរស់នៅជាមួយជីតារបស់នាង។

Benny Blanco បានរស់នៅក្នុងផ្ទះរចនាប័ទ្មទសវត្សរ៍ឆ្នាំ ១៩៣០ ចាប់តាំងពីឆ្នាំ ២០១៩។ យោងតាម Architectural Digest អ្នកផលិតតន្ត្រីបានតុបតែងផ្ទៃខាងក្នុងជាមួយនឹងស្នាដៃ Picasso ជាច្រើន ហើយសាឡុង ១៥កៅអីត្រូវបានតុបតែងតាមតម្រូវការ។

យ៉ាងណាមិញ យោងតាមសារព័ត៌មាន People គូស្នេហ៍មួយគូនេះ បានណាត់ជួបគ្នាតាំងពីខែមិថុនា ឆ្នាំ ២០២៣ ហើយបានបង្ហាញទំនាក់ទំនងរបស់ខ្លួនជាសាធារណៈនៅក្នុងខែធ្នូឆ្នាំដដែល។ មុនស្រលាញ់គ្នា អ្នកទាំងពីរបានស្គាល់គ្នាអស់រយៈពេលជាច្រើនឆ្នាំ ហើយបានសហការគ្នាក្នុងបទចម្រៀង I Can’t Get Enough (២០១៩)។ នៅថ្ងៃទី ២១ ខែមីនា គូស្នេហ៍នេះនឹងចេញអាល់ប៊ុម I Said I Love You First ជាមួយគ្នាថែមទៀតផង៕