ជីវិតកម្សាន្ដ

អបអរ !បងថ្លៃ ឱក សុគន្ធកញ្ញា បានជាសះស្បើយ ពីកូវីដ-១៩តែបន្តធ្វើចត្តាឡីស័ក១៤ថ្ងៃទៀត

បានផុស

៥ years មុន

នៅ

ថ្ងៃព្រហស្បតិ៍ ២៥ មីនា ២០២១

ដោយ

ភ្នំពេញ ៖ បងថ្លៃរបស់តារាចម្រៀងឱក សុគន្ធកញ្ញា បន្ទាប់ពីចូលសម្រាកព្យាបាលជំងឺកូវីដ-១៩ អស់រយៈពេលប្រមាណជាកន្លះខែមកនោះ ពេលនេះបានជាសះស្បើយពីជំងឺដ៏កាចសាហាវនេះហើយ ប៉ុន្តែបន្តធ្វើចត្តាឡីស័ក១៤ថ្ងៃទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការបង្ហោះរបស់បងថ្លៃអ្នកនាង ឱក សុគន្ធកញ្ញា ដែលត្រូវបានគេស្គាល់ថា ជាថៅកែលក់កាបូបអនឡាញឈ្មោះ ចែគីម លក់កាបូប បានលើកឡើងថា សួស្តីបងប្អូនទាំងអស់គ្នាកាលពីម្សិលមិញគ្រូពេទ្យបានប្រាប់ថា ការយកសំណាករបស់ខ្ញុំពេលកំពុងសម្រាកព្យាបាល គឺអវិជ្ជមាន២ដងហើយ។ អញ្ចឹងមានន័យថា ខ្ញុំបានជាសះស្បើយពីជំងឺកូវីដ-១៩ហើយ។

ប្រភពបានបន្តថា ទោះបីជាយ៉ាងណាខ្ញុំពេលនេះគឺត្រូវធ្វើចត្តាឡីស័កនៅក្នុងផ្ទះរយៈពេល១៤ថ្ងៃទៀត ដើម្បីតាមដានសុខភាពឲ្យបានច្បាស់ថា នាងខ្ញុំពិតជាបានជាសះស្បើយ១០០ភាគរយមែន។

នាងខ្ញុំក៏សូមអរគុណដល់ក្រុមគ្រូពេទ្យទាំងអស់ ដែលបានយកចិត្តទុកដាក់ព្យាបាលនាងខ្ញុំកន្លងមកនិងអរគុណពុកម៉ែបងប្អូនទាំងអស់ ដែលបារម្ភនិងជូនពរដល់ខ្ញុំហើយក៏សូមចូលរួមការពារនិងថែរក្សាខ្លួនទាំងអស់គ្នា៕

ដោយ ៖ ចាន់រ៉ា