ជីវិតកម្សាន្ដ

Seungri ត្រូវគេប្រទះឃើញ ជួបជាមួយឈ្មួញគ្រីបតូ យ៉ាងចម្លែក

បានផុស

១ year មុន

នៅ

ថ្ងៃព្រហស្បតិ៍ ១០ កក្កដា ២០២៥

ដោយ

រឿងរ៉ាវនៅក្នុងបណ្ដាញសង្គម Instagram កាលពីពេលថ្មីៗនេះ បានបង្ហោះដោយនារីម្នាក់បានបង្ហាញពីរូបថតដ៏ស្និទ្ធស្នាល ជាមួយអតីតសមាជិកក្រុម BIGBANG នោះគឺ Seungri រួមជាមួយនឹងចំណងជើងធម្មតា ប៉ុន្តែបានបង្ហាញអំពីទីតាំងនៅក្នុងទីក្រុងសេអ៊ូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្រងព័ត៌មានរបស់អ្នកបង្ហោះណែនាំនាងថាជា ពាណិជ្ជករគ្រីបតូ និងអ្នកផ្ទៀងផ្ទាត់ទំនិញប្រណិត ដែលជំរុញឲ្យមានការរំពឹងទុកជុំវិញទំនាក់ទំនងរបស់ពួកគេ និងកន្លែងលាក់ខ្លួនរបស់ Seungri កាលពីពេលកន្លងមក។ តាមរយៈរូបភាពនោះដែរ តារាចម្រៀងប្រុសបានពាក់អាវយឺតពណ៌ស និងមួកពណ៌លឿងមួយ Seungri មើលទៅមានរូបរាងតូចជាងមុនកាលពីដើមឆ្នាំ ដែលកាលណោះបានលេចវត្តមាននៅឯក្លឹបរាត្រីរបស់ចិន ដែលគាត់ក៏ត្រូវបានគេប្រទះឃើញចូលរួមពិធីជប់លៀងយ៉ាងចម្រូងចម្រាសផងដែរ។

ការមើលឃើញថ្មីនេះកំពុងធ្វើឲ្យមានការខឹងសម្បារជាសាធារណៈ ជាពិសេសចំពោះអតីតកាលរបស់តារាប្រុសវ័យ៣៤ឆ្នាំ។ Seungri ដែលជាតួសំខាន់ម្នាក់នៅក្នុងសំណុំរឿង Burning Sun ឆ្នាំ២០១៨ ហើយត្រូវបានកាត់ទោសលើការចោទប្រកាន់ធ្ងន់ធ្ងរចំនួន ៩ រួមទាំងការលេងល្បែងស៊ីសងជាទម្លាប់ ការសម្រុះសម្រួលពេស្យាចារ ឧក្រិដ្ឋកម្មទាក់ទងនឹងការរំលោភផ្លូវភេទ ការរំលោភលើការផ្លាស់ប្តូររូបិយប័ណ្ណបរទេស និងការកេងបន្លំ។ គាត់ត្រូវបានតុលាការកំពូលកាត់ទោសឲ្យជាប់ពន្ធនាគាររយៈពេល ១ ឆ្នាំ ៦ ខែ ហើយត្រូវបានដោះលែងនៅខែកុម្ភៈ ឆ្នាំ ២០២៣។

ថ្វីដ្បិតែនេះជាពេលវេលាឯកជនរបស់លោកយ៉ាងណាក្ដី ប៉ុន្តែការវិលត្រឡប់របស់ Seungri ទៅកាន់ជីវិតពេលរាត្រី និងរបៀបរស់នៅដោយមិនខ្វល់ខ្វាយពីកំហុសកាលពីកន្លងមក បានធ្វើឲ្យមនុស្សជាច្រើនសម្រុករិះគន់លើលោកដូចទឹកបាក់ទំនប់។

អ្នកលេងអ៊ីនធឺណិតបញ្ចេញប្រតិកម្មដោយមិនសំចៃថា តើអតីតសមាជិកក្រុម BIGBANG ម្នាក់នេះដែលធ្លាប់គិតថា ខ្លួនមានវិប្បដិសារីដែរទេ? ពេលចេញពីគុកភ្លាមៗ បែរជាមកកម្សាន្តនៅក្លឹបយ៉ាងសប្បាយរីករាយ ហាក់មិនយលពីទុក្ខព្រួយរបស់ជនរងគ្រោះជាច្រើននាក់សោះ។ យ៉ាងណា មកទល់ពេលនេះ Seungri នៅមិនទាន់មានការបញ្ជាក់ជាផ្លូវការណាមួយទាក់ទងនឹងរូបថត ឬអត្តសញ្ញាណរបស់នារីរូបនេះឡើយ៕