ពេជ្រ វត្តីសារ៉ាវឌ្ឍី ប្រាប់ម្ចាស់កម្មវិធី MGI ថា តំណែងនោះអត់មានតម្លៃទេ ហើយសងលុយកម្លាំងញឹកឈាមផង

កញ្ញា ពេជ្រ វត្តីសារ៉ាវឌ្ឍី បានចេញមកបញ្ជាក់ប្រាប់ចំៗទៅកាន់ម្ចាស់កម្មវិធី MGI លោក Nawat ថាសម្រាប់តំណែង 5th Runner up MGI 2022 គឺមិនមានតម្លៃចំពោះនាង និងប្រជាជនកម្ពុជាទេ ខណ:ដែលម្ចាស់កម្មវិធី MGI រូបនោះបានប្រកាសដកតំណែងនាងចេញពីតំណែង 5th Runner up MGI 2022 ។

ស្របពេលជាមួយគ្នានោះដែបវរកញ្ញាកម្ពុជាកញ្ញា ពេជ្រ វត្តីសារ៉ាវឌ្ឍី ថ្មីៗនេះបានចេញមុខថ្កោលទោសយ៉ាងដាច់អហង្កាទៅលើបុគ្គល Nawat ម្ចាស់កម្មវិធី MGI ដែលបានយកវេទិកា MUT វាយប្រហារមកលើប្រមុខរដ្ឋាភិបាលកម្ពុជា។ទាក់ទងនឹងរឿងដកតំណែងខាងលើ បវរកញ្ញា ពេជ្រ វត្តីសារ៉ាវឌ្ឍីបានឆ្លើយតប និងផ្តាំទៅវិញថា តំណែង 5th Runner up MGI 2022 នេះ គឺអត់មានតម្លៃសម្រាប់នាង និង ប្រជាជនកម្ពុជាយូរមកហើយ។

ចំណែកឯមកុដ MGI នោះ ពេជ្រ វត្តីសារ៉ាវឌ្ឍី ក៏ធ្លាប់បញ្ជាក់ប្រាប់ឱ្យដឹងដែរថា នាងបានបោះចោលក្នុងធុងសំរាមយូរមកហើយដែរ។ កញ្ញា វត្តីសារ៉ាវឌ្ឍី បាននិយាយថា”សូមទោសណាលោកអ៊ុំចង់អ៊ុំដកឬមិនដកមិនសំខាន់ទេតែតំណែងមួយ និងអត់មានតម្លៃជាមួយខ្ញុំនិងប្រជាជនខ្ញុំយូរហេីយ ហេីយបេីអាចជួយសងលុយកម្លាំងញឹកឈាមខ្ញុំមកវិញផង”។

បវរកញ្ញាកម្ពុជារូបនេះ បានបន្តថា “អ៊ំខឹងតីតី ព្រោះតីតីអត់ព្រមនៅខាងអ៊ំ ហេីយមកប្រកាសដកអីគេ ខ្ញុំអត់ មានកុងត្រាជាមួយអ៊ំទៀតផង មេីលទៅអ៊ំប្រហែលច្រឡំថាមានសិទ្ធជាមួយខ្ញុំមួយជីវិត។ នាងខ្ញុំ ពេជ្រ វត្តីសារ៉ាវឌ្ឍី សូមធ្វើការថ្កោលទោសបុគ្គលចំណាស់ខាងលើនេះដោយសារពាក្យថា “តម្លៃជាប្រជាជនខ្មែរនិងការគោរព”។

ជេប្រមាថនាង នាងស្ងាត់មិនតបត ព្រោះនាងមានតម្លៃជាប្រជាជនខ្មែរ ដែលមានសុជីវធម៌ សីលធម៌ និងការអប់រំ។ “ប៉ុន្តែបុគ្គលខាងលើហ៊ានដល់ថ្នាក់ប្រមាថថ្នាក់ដឹកនាំរបស់នាងខ្ញុំ នាងខ្ញុំពិតជាមិនអាចបន្តឱបដៃឈរមើលបានឡើយ។ អ្នកគ្មានសិទ្ធមកថ្កោលទោសថ្នាក់ដឹកនាំដ៏ខ្ពង់ខ្ពស់របស់ប្រទេសខ្ញុំបានឡើយ”។

ពេជ្រ វត្តីសារ៉ាវឌ្ឍី បន្ថែមថា “ក្នុងនាមនាងជាប្រជាជនខ្មែរមួយរូប ពិតជាមិនអាចទទួលយកនូវការមើលងា យដល់ថ្នាក់ដឹកនាំរបស់ប្រទេសកម្ពុជាពីសំណាក់បុគ្គលខាងលើបានឡើយ។ ជាប្រជាជនខ្មែរប្រកបដោយភាពថ្លៃថ្នូរមួយរូបនាង សូមក្រើនរំលឹកឱ្យបុគ្គលខាងលើខិតខំសាងអំពើល្អនិយាយនូវអ្វីដែលពិត ក្រែងបានជាកុសលផលបុណ្យជួយនៅជាតិក្រោយ៕ ចាន់រ៉ា