ជីវិតកម្សាន្ដ

ប្អូនប្រុស Fan Bingbing វិះជួបគ្រោះថ្នាក់ដល់ជីវិត ដោយសារតែអ្នកគាំទ្រមួយរូប

បានផុស

១១ ខែ មុន

នៅ

ថ្ងៃអង្គារ ១៩ សីហា ២០២៥

ដោយ

នៅព្រឹកថ្ងៃទី ១៧ ខែសីហា ប្រព័ន្ធផ្សព្វផ្សាយបានរាយការណ៍ថា រថយន្តហួសល្បឿនកំណត់បានបើកបុកលោក Fan Chengcheng និងបក្ខពួក។ ព័ត៌មាននេះភ្លាមៗបានទាក់ទាញការចាប់អារម្មណ៍ជាពិសេសពីសាធារណជន។

ភ្លាមៗនោះ ស្ទូឌីយ៉ូរបស់តារាប្រុសបាននិយាយឡើងដើម្បីកែតម្រូវ និងពន្យល់។ តំណាងស្ទូឌីយោបាននិយាយថា សិល្បករបស់យើង Fan Chengcheng និងបុគ្គលិករបស់គាត់បានជិះយន្តហោះទៅកាន់ទីក្រុង Hangzhou (ប្រទេសចិន) នៅព្រឹកនេះ ហើយពួកគេត្រូវបានតាមដានដោយអ្នកគាំទ្រឆ្កួតៗដែលបើកឡានពីព្រលានយន្តហោះជាមួយនឹងអាកប្បកិរិយាក្រអឺតក្រទមបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលដែលពួកគេចូលទៅក្នុងចំណត បុគ្គលិកបានសុំឲ្យអ្នកគាំទ្រនោះចាកចេញ ប៉ុន្តែមនុស្សទាំងនេះមានចេតនាបើកឡានតម្រង់មករកបុគ្គលិករបស់យើង។ ទង្វើអាក្រក់នេះបានបង្កគ្រោះថ្នាក់យ៉ាងធ្ងន់ធ្ងរដល់សុវត្ថិភាពរបស់សិល្បករ និងបុគ្គលិក។

ជាសំណាងល្អ ទាំង Fan Chengcheng និងសមាជិកទាំងអស់សុទ្ធតែមានសុវត្ថិភាព។ ស្ទូឌីយ៉ូបាននិយាយថា ពួកគេបានរក្សាវីដេអូទាំងអស់ទុកជាភស្តុតាងដើម្បីដាក់ទៅប៉ូលិសដើម្បីកាត់ទោសបុគ្គលដែលពាក់ព័ន្ធ។ ស្ទូឌីយ៉ូជាពិសេសអរគុណដល់កម្លាំងសមត្ថកិច្ចដែលមានវត្តមានទាន់ពេលវេលាដើម្បីដោះស្រាយឧបទ្ទវហេតុនេះ។

យ៉ាងណា សកម្មភាពរបស់អ្នកគាំទ្រឆ្កួតនេះ បានធ្វើឲ្យអ្នកលេងអ៊ីនធឺណិតមានការខឹងសម្បារជាខ្លាំង។ កន្លងមក តារាសិល្បៈជាច្រើនមានទុក្ខព្រួយពេលត្រូវបានអ្នកគាំទ្រឆ្កួតៗ រហូតដល់ទម្លាយចូលសណ្ឋាគារដែលតារាខ្លួនស្នាក់នៅ។ ឧបទ្ទវហេតុនេះជាថ្មីម្តងទៀតបានបន្លឺសំឡេងរោទិ៍សម្រាប់បញ្ហាដ៏គ្រោះថ្នាក់កាន់តែខ្លាំងឡើង នៃអ្នកគាំទ្រឆ្កួតនៅក្នុង វិស័យសិល្បៈរបស់ចិន

Fan Chengcheng កើតនៅឆ្នាំ ២០០០ ដែលមនុស្សជាច្រើនស្គាល់ដោយសារតែលោកគឺជា ប្អូនប្រុសរបស់ Fan Bingbing។ ក្នុងឆ្នាំ ២០១៨ លោកបានបង្ហាញខ្លួនជាតារាចម្រៀងក្នុងក្រុម Nine Percent បន្ទាប់ពីឈ្នះកម្មវិធី Idol Produce។ ថ្វីបើលោក មានអាយុតិចជាងបងស្រី ១៩ ឆ្នាំ ដូច្នេះគាត់ត្រូវបានគេនិយាយថាជាកូនប្រុសសម្ងាត់ នៃគ្រួសារ Fan តែតារាស្រី បានបដិសេធម្តងហើយម្តងទៀតនូវពាក្យចចាមអារ៉ាមនេះ៕