ព័ត៌មានអន្ដរជាតិ

ថៃនិងអាមេរិក កំពុងចរចាលើរឿងសំខាន់ពីរក្នុងពេលខាងមុខនេះ

បានផុស

៧ ខែ មុន

នៅ

ថ្ងៃអាទិត្យ ២៦ តុលា ២០២៥

ដោយ

នាយករដ្ឋមន្ត្រីថៃ លោក អានុទីន ឆានវីរៈគុល បានប្រកាសថា ប្រទេសថៃនិងសហរដ្ឋអាមេរិក កំពុងស្ថិតនៅក្នុងដំណាក់កាលនៃការចរចាកិច្ចសហប្រតិបត្តិការចំនួនពីរដ៏សំខាន់ដែលផ្តោតលើពន្ធបដិកា និងកិច្ចសហប្រតិបត្តិការលើរ៉ែកម្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងពិធីចុះហត្ថលេខាលើកិច្ចព្រមព្រៀងសន្តិភាពជាមួយកម្ពុជា ក្រោមវត្តមានរបស់ប្រធានាធិបតីដូណាល់ ត្រាំ និងការសម្របសម្រួលរបស់នាយករដ្ឋមន្ត្រីម៉ាឡេស៊ី នាយករដ្ឋមន្ត្រីថៃ លោក អានុទីន បានលើកឡើងពីកិច្ចសហប្រតិបត្តិការរវាងប្រទេសថៃនិងសហរដ្ឋអាមេរិកលើវិស័យពាណិជ្ជកម្ម។

នាយករដ្ឋមន្ត្រីថៃ លោក អានុទីន ឆានវីរៈគុល ថ្លែងថា៖«ខ្ញុំរីករាយ នៅថ្ងៃនេះ យើងសូមប្រកាសនូវសេចក្តីប្រកាសរួមនៃក្របខណ្ឌនៃកិច្ចព្រមព្រៀងរវាងសហរដ្ឋអាមេរិក-ថៃលើពន្ធបដិកា ដែលខ្ញុំជឿថា ការចរចារបស់ពួកយើងនឹងត្រូវសម្របសម្របសម្រួលបញ្ចប់នៅចុងឆ្នាំនេះ។ យើងក៏បានចុះហត្ថលេខាលើអនុស្សរណៈយោគយល់គ្នារវាងរដ្ឋាភិបាលនៃប្រទេសទាំងពីរលើកិច្ចសហប្រតិបត្តិការស្តីពីរ៉ែកម្រដែលនឹងលើកស្ទូយបន្ថែមទៀតលើភាពធន់និងស្ថិរភាពនៃច្រវ៉ាក់ផ្គត់ផ្គង់ក្នុងឆ្នាំខាងមុខ»៕

រ៉ាន់ រើយ