ព័ត៌មានអន្ដរជាតិ

វៀតណាមរកឃើញគ្រាប់បែកមិនទាន់ផ្ទុះដ៏ធំមួយសល់ពីសម័យសង្គ្រាម កប់នៅក្រោមធនាគារ

បានផុស

៧ ខែ មុន

នៅ

ថ្ងៃអង្គារ ២៣ ធ្នូ ២០២៥

ដោយ

អាជ្ញាធរនិងអ្នកស្រុកនៅក្នុងឃុំ Van Mieu ភាគខាងជើងនៃខេត្ត Phu Thoi ប្រទេសវៀតណាមរកឃើញគ្រាប់បែកមិនទាន់ផ្ទុះដ៏ធំមួយ កប់នៅក្រោមធនាគារ ក្បែរទន្លេ He កាលពីព្រឹកថ្ងៃទី២២ខែធ្នូ។ នេះបើតាមទីភ្នាក់ងារសារព័ត៌មានវៀតណាម (VNA)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការវាយតម្លៃរបស់កងកម្លាំងសមត្ថកិច្ចឱ្យដឹងថា គ្រាប់បែកដែលគេជឿថាមានតាំងពីសម័យអាណានិគមបារាំង មានប្រវែងប្រហែល ១,៣ម៉ែត្រ អង្កត់ផ្ចិត ៤០សង់ទីម៉ែត្រ និងមានទម្ងន់ប្រមាណ ៥០០គីឡូក្រាម ហើយ វាអាចបង្កហានិភ័យណាមួយកើតឡើងជាយថាហេតុ។

ក្រោយទទួលបានការរាយការណ៍ កងកម្លាំងខេត្តបានបញ្ជូនអ្នកជំនាញភ្លាមៗទៅកាន់ទីតាំងនោះ ដើម្បីពិនិត្យព័ត៌មាន និងអនុវត្តវិធានការសុវត្ថិភាពជាបន្ទាន់។

មេបញ្ជាការដ្ឋានយោធភូមិភាគខេត្ត Phu Tho បានសម្របសម្រួលជាមួយបញ្ជាការដ្ឋានការពារភូមិភាគទី២ និងគណៈកម្មាធិការប្រជាជនឃុំ Van Mieu ដើម្បីបិទតំបន់នោះ ពង្រាយកងកម្លាំងឆ្មាំគ្រប់ទិសទី និងចេញសេចក្តីជូនដំណឹងដាស់តឿនប្រជាពលរដ្ឋនៅឱ្យឆ្ងាយពីទីតាំងដែលបានជម្រាបជូន ដើម្បីការពារសុវត្ថិភាព។

មេបញ្ជាការដ្ឋានយោធភូមិភាគខេត្ត Phu Tho និងស្ថាប័នពាក់ព័ន្ធ បានរៀបចំផែនការដឹកជញ្ជូន និងបំផ្ទុះគ្រាប់បែកប្រកបដោយសុវត្ថិភាព ស្របតាមបទប្បញ្ញត្តិយ៉ាងតឹងរ៉ឹងលើការចាត់ចែងសម្ភារៈផ្ទុះ ដោយធានាបាននូវសុវត្ថិភាពចំពោះប្រជាជននៅក្នុងតំបន់ និងចាត់ចែងរបោះរបរដែលចាំបាច់នៅជុំវិញនោះទៅកន្លែងផ្សេង៕

ប្រែសម្រួល៖ ណឺ មិនា