ជិត១៥ឆ្នាំ ជប៉ុន បើករោងចក្រនុយក្លេអ៊ែរធំជាងគេលើលោកជាថ្មី

រោងចក្រថាមពលនុយក្លេអ៊ែរធំជាងគេបំផុតក្នុងពិភពលោក ត្រូវបានកំណត់ឲ្យចាប់ផ្តើមឡើងវិញនាថ្ងៃពុធ ទី២១ ខែមករា ចាប់តាំងពីគ្រោះមហន្តរាយរលាយរោងចក្រហ្វូគូស៊ីម៉ាកាលឆ្នាំ២០១១ ស្របពេលដែលមានការព្រួយបារម្ភអំពីសុវត្ថិភាពជាបន្តបន្ទាប់ ក្នុងចំណោមប្រជាជន។ នេះបើយោងតាមការចុះផ្សាយពីសារព័ត៌មាន CNA ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីទទួលបានភ្លើងខៀវចុងក្រោយនៅថ្ងៃនេះ ក្រុមហ៊ុន Tokyo Electric Power (TEPCO) បាននិយាយថា «ពួកគេកំពុងបន្តការរៀបចំ ហើយមានគម្រោងដកដំបងបញ្ជាចេញបន្ទាប់ពីម៉ោង ៧:០០ យប់ថ្ងៃនេះ ដោយចាប់ផ្តើមរ៉េអាក់ទ័រតែម្ដង»។

ថ្វីដ្បិតតែទទួលបានការអនុញ្ញាតយ៉ាងណាក៏ដោយ ប៉ុន្តែកាលពីថ្ងៃអង្គារ៍ក្រុមអ្នកតវ៉ារាប់សិបនាក់ ដែលភាគច្រើនជាមនុស្សចាស់ បានប្រឈមមុខនឹងសីតុណ្ហភាពត្រជាក់ខ្លាំង ដើម្បីតវ៉ានៅក្នុងព្រិលនៅជិតច្រកចូលរោងចក្រ ក្បែរអគាររបស់ពួកគេតម្រង់ជួរតាមឆ្នេរសមុទ្រជប៉ុន។

ក្រុមអ្នកតវ៉ាទាំងនោះបានប្រាប់ AFP ថា វាជាអគ្គិសនីក្នុងទីក្រុងតូក្យូដែលផលិតនៅ Kashiwazaki ដូច្នេះហេតុអ្វីបានជាប្រជាជននៅទីនេះត្រូវប្រឈមនឹងហានិភ័យ? នោះមិនសមហេតុផលទាល់តែសោះ! ក្នុងនោះដែរ ប្រជាជនប្រហែល ៦០ភាគរយ ប្រឆាំងនឹងការចាប់ផ្តើមឡើងវិញ ខណៈដែល ៣៧ភាគរយគាំទ្រវា នេះបើយោងតាមការស្ទង់មតិមួយដែលធ្វើឡើងកាលពីខែកញ្ញា។

រោងចក្រថាមពលនុយក្លេអ៊ែរ Kashiwazaki-Kariwa គឺជារោងចក្រថាមពលនុយក្លេអ៊ែរធំជាងគេបំផុតរបស់ពិភពលោកតាមសមត្ថភាពសក្តានុពល ទោះបីជាមានរ៉េអាក់ទ័រមួយក្នុងចំណោមរ៉េអាក់ទ័រទាំង៧ កំពុងចាប់ផ្តើមឡើងវិញនៅថ្ងៃនេះក៏ដោយ។ មែនទែនទៅ រោងចក្រមួយនេះបានផ្តាច់ចេញ នៅពេលដែលជប៉ុនបានផ្តាច់ថាមពលនុយក្លេអ៊ែរ បន្ទាប់ពីការរញ្ជួយដីដ៏ធំសម្បើម និងរលកយក្សស៊ូណាមិ ធ្វើឲ្យរ៉េអាក់ទ័រចំនួន៣ នៅឯរោងចក្រថាមពលនុយក្លេអ៊ែរហ្វូគូស៊ីម៉ារលាយ កាលពីឆ្នាំ ២០១១។

មុនពេលគ្រោះមហន្តរាយឆ្នាំ ២០១១ ដែលសម្លាប់មនុស្សប្រហែល ១៨,០០០ នាក់ ថាមពលនុយក្លេអ៊ែរបានបង្កើតប្រហែលមួយភាគបីនៃអគ្គិសនីក្នុងប្រទេស ខណៈជប៉ុនគឺជាប្រទេសដែលបញ្ចេញកាបូនឌីអុកស៊ីតធំជាងគេទី៥ក្នុងពិភពលោក បន្ទាប់ពីចិន សហរដ្ឋអាមេរិក ឥណ្ឌា និងរុស្ស៊ី ហើយពឹងផ្អែកយ៉ាងខ្លាំងទៅលើឥន្ធនៈហ្វូស៊ីលដែលនាំចូល។

ទោះជាយ៉ាងណាក៏ដោយ ជប៉ុនដែលខ្វះខាតធនធានឥឡូវនេះចង់រស់ឡើងវិញនូវថាមពលនុយក្លេអ៊ែរ ដើម្បីកាត់បន្ថយការពឹងផ្អែកលើឥន្ធនៈហ្វូស៊ីល ដោយសម្រេចបានអព្យាក្រឹតភាពកាបូននៅឆ្នាំ ២០៥០ និងបំពេញតម្រូវការថាមពលដែលកំពុងកើនឡើងពីបញ្ញាសិប្បនិម្មិត៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

នាយករដ្ឋមន្ត្រី Greenland ឲ្យពលរដ្ធត្រៀមស្បៀងទុក ខណៈលោកត្រាំគំរាមថាយកឲ្យបាន