ព័ត៌មានអន្ដរជាតិ
ប្រុងប្រយ័ត្ន ឆបោកតាមទូរសព្ទ លោកយាយហុងកុងម្នាក់អស់លុយ៣២លានដុល្លារ
លោកយាយនៅហុងកុងអាយុ៩០ឆ្នាំបានអស់ប្រាក់ចំនួន៣២លានដុល្លារអាមេរិកពីការឆបោកតាមទូរសព្ទដែលជនល្មើសបានបន្លំខ្លួនធ្វើជាមន្ត្រីសន្តិសុខចិន ដែលបានក្លាយជាអំពើឆបោកតាមទូរសព្ទដ៏ធំបំផុតមិនធ្លាប់មាននៅទីក្រុងមួយនេះ។
លោកយាយត្រូវបានជនឆបោកដែលបានព្យាយាមធ្វើលើជនងាយរងគ្រោះ និងអ្នកមានធនធានដើម្បីឲ្យផ្ទេរប្រាក់ដើម្បីធ្វើការវិនិយោគក្លែងក្លាយ។
កាលពីថ្ងៃអង្គារ៍ ទី២០ ខែមេសា ប៉ូលិសបាននិយាយថា ជនឆបោកមានគោលដៅលើស្ត្រីវ័យចំណាស់ម្នាក់ដែលរស់នៅតំបន់ The Peak ក្នុងទីក្រុងហុងកុង។
ឧក្រិដ្ឋកម្មកាលពីរដូវក្តៅមុនបានទាក់ទងនឹងស្ត្រីមិនបញ្ចេញឈ្មោះម្នាក់ដែលបានធ្វើពុតជាមន្ត្រីសន្តិសុខសាធារណៈរបស់ចិន។ ពួកគេបានអះអាងពីអត្តសញ្ញាណរបស់នាងត្រូវបានប្រើករណីព្រហ្មទណ្ឌធ្ងន់ធ្ងរមួយនៅប្រទេសចិន។
តាមប្រភពពីប៉ូលិសបានឲ្យដឹងថា លោកយាយត្រូវបានប្រាប់ឲ្យផ្ទេរប្រាក់ពីគណនីធនាគាររបស់គាត់ចូលទៅក្នុងគណនីមួយដែលគ្រប់គ្រងដោយក្រុមស៊ើបអង្កេតមួយដើម្បីការពារសុវត្ថិភាព និងត្រួតពិនិត្យ។
ប៉ូលិសបាននិយាយថា រយៈពេលជាច្រើនថ្ងៃក្រោយមក បុគ្គលនោះបានទៅដល់ផ្ទះរបស់លោកយាយដើម្បីប្រើទូរសព្ទ និងស៊ីមកាតសម្រាប់ទាក់ទងនឹងភ្នាក់ងារសន្តិសុខក្លែងក្លាយដែលបានបញ្ចុះបញ្ចូលលោកយាយឲ្យផ្ទេរប្រាក់សរុប១១លើក។
រយៈពេលជាង៥ខែ លោកយាយបានផ្ទេរប្រាក់សរុប៣២លានដុល្លារអាមេរិកទៅឲ្យក្រុមជនឆបោកដែលបានក្លាយជាចំនួនទឹកប្រាក់ដ៏ច្រើនបំផុតជាប់កំណត់ត្រាសម្រាប់ការឆបោកតាមទូរសព្ទ។
ប៉ូលិសបាននិយាយថា ការឆបោកត្រូវបានដឹងនៅពេលជំនួយការរបស់លោកយាយមានការសង្ស័យពីអ្វីម្យ៉ាងដែលកំពុងកើតឡើង និងបានទាក់ទងទៅកូនស្រីរបស់គាត់ ហើយបន្ទាប់មកបានជូនដំណឹងដល់ប៉ូលិស។
ប៉ូលិសបាននិយាយថា បន្ទាប់ពីធ្វើការស៊ើបអង្កេតមួយ បុរសអាយុ១៩ឆ្នាំម្នាក់ត្រូវបានចាប់ខ្លួនពីបទឆបោក ប៉ុន្តែត្រូវបានដោះលែងឲ្យនៅក្រៅឃុំ។ ជនដែលត្រូវបានចាប់ខ្លួនត្រូវបានគេជឿថា ជាអ្នកបន្លំដែលបានទៅផ្ទះស្ត្រីនោះជាមួយនឹងទូរសព្ទ។
ប៉ូលិសបាននិយាយថា ករណីឆបោកបែបនេះបានកំពុងកើនឡើងខ្លាំង។ តាមរបាយការណ៍ការឆបោកតាមទូរសព្ទបានកើនឡើង១៨%គ្រាន់តែត្រីមាសទី១ដើមឆ្នាំ២០២១។ កាលពីឆ្នាំ២០២០ ប៉ូលិសបានដោះស្រាយករណីឆបោកតាមទូរសព្ទចំនួន១១៩៣ករណីដែលសរុបជាប្រាក់ត្រូវបានលួចប្រមាណ៧៣.៩៥លានដុល្លារអាមេរិក៕
ប្រែសម្រួល៖ វីរបុត្រ
ប្រភព៖ SCMP
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស